منتدى الفرح المسيحى - ربنا خلق الوجع عشان يحميك..

لما ايدك تلمس حاجه سخنه اوي ... علي طول بتسحب ايدك تلقاءي من غير مايكون لك اي اراده فكده..
لما ايدك او رجلك يتخبطوا او يلمسوا حاجه حاده علي طول بتحس وبتبعد نفسك عن الحاجه دي..
لما مريض القلب يجيله جلطه بيحس بوجع في صدره وده بيخليه يتنبه ويروح المستشفي يكشف والدكاتره تكتشف ده وتلحقه..

يعني ليه نحس بالالم اصلا..ليه ربنا خلق الوجع ؟

..عشان كان ممكن ايدك دي اللي نزل غليها مياه سخنه زي النار لو مافيش وجع مش هتبعدها و هتتسلق وممكن تفقد ايدك وانت مش حاسس..
رجلك اللي داست علي حاجه دي كان ممكن تفضل دايس ورجلك تنزف وانت مش داري.. ومريض القلب لو مجالوش وجع او تجاهله ودخل نام ممكن جدا يموت وهو نايم..

ربنا خلق الوجع عشان يحميك..
عشان تاخد بالك وتتنبه ان فيه حاجه بتاذيك..
فيه حاجه هتضرك ولازم تبعد عنها..
عشان ماتتاثرش وفنفس الوقت ممكن تفقد حياتك كلها لولا الوجع ده..

يعني ماتكابرش..
لو فيه حاجه فعلا اذيتك ولو حتي داخليا..
لو فيه حاجه واجعاك اوي ومخلياك تتالم ومش مرتاح لازم تبعد عنها حتي لو كنت بتحبها..
ماتكابرش وماتضحيش باي حاجه ولا تعمل اي حاجه وانت موجوع..
الوجع بيحميك وبيحمي حياتك..
الوجع عمره ماكان حاجه حلوه..
لكنه بطريقه ما ممكن يكون سبب فانه حتي ينقذ حياتك

ماتروحش للي ياذيك ويوجعك برجلك..
خد قرارك وابعد عن اللي بيالمك..
لان مافيش حاجه بتحبك او عاوزك هتوجعك ابدا..

cpd