|
لعبة على الرف!
_ عارفه.. أنا بدأت أحس إنه مش حب حقيقي.. ده مجرد حب تملك! كأنك عروسة اشتراها وحطها على الرف.. لا منه بيقول للناس كلها دي لعبتي وبيلعب فعلا بيها ولا منه سايبها لحد تاني ياخدها ويتبسطوا مع بعض! لعبة على الرف! مخليها كده إحتياطي عشان مش مستحمل فكرة إنه يخسرها وإنها تبقى خلاص بتاعت حد تاني.. وكل ما يبان عليكي السعادة اكتر وانتي بعيد عنه كل ما كان أحرص إنه يرجعك واحدة واحدة تاني للرف! _ وإيه اللي يثبت لي الكلام ده؟ _ الطفل أما بيحب لعبة اوي بيقلب الدنيا عياط لحد ما ياخدها.. وبيبقى في قمة سعادته وهو ماشي بيها في كل حته... ولو حد أخدها منه بيبقى هيموته.. ولو بيحبها اوي بيحافظ عليها يمكن لحد ما يكبر ويديها لولاده كمان! _ طب اعرف ازاي؟! _ إسألي نفسك: عنده استعداد يقلب الدينا عشان يتجوزك؟ عنده إستعداد يضحى شوية عشان تبقو مع بعض؟ عنده إستعداد يعلن للناس إنه بيحبك؟ عنده إستعداد يعافر عشانك؟ _ أصل الظروف مش مساعداه و.... _ جميل! من غير ما أجادلك هصدقه... الظروف مش مساعداه وطريقه مسدودٌ مسدودٌ... وكان نفسه والله بس ما باليد حيلة ! ليه مش سايبك في حالك بقى تتبسطي مع غيره زي ما هو مبسوط مع غيرك ؟؟ وابقي سلمي لي على الرف! |
رد: لعبة على الرف!
ميرسي على مشاركتك الجميلة رينا
|
رد: لعبة على الرف!
مشاركة جميلة جدا ربنا يبارك حياتك |
رد: لعبة على الرف!
ميرسى لمروركم الغالى
:):):):) |
| الساعة الآن 05:33 AM |
Powered by vBulletin® Copyright ©2000 - 2025