منتدى الفرح المسيحى - البنات تيجينى هنا ثوانى معلش 😀

https://upload.chjoy.com/uploads/147825683351.jpg

طول اليوم مش بيبطل تفكير فيكي
مش بينام طول الليل ..عشان شغلا فكره،
بيحب كل شعرة فيكي .... كل عيوبك بيحبها !!
حتي تفاصيل وشك اللي بتزعجك من حبوب و خروم
لو تبصي ف عنيه حبة
...بيضعف !! ..
دا غير ان عنيكي دي موال تاني اصلا
مش بيستحمل يشوف عنيكي وفيها دموع
بالذمة دا حبيب يتفوت ؟
اه لو تحبيه زي ما بيحبك.. اه لو تسلميله كل حاجة ف ايده
كل حاجة كل حاجة. .. افكارك مشاعرك احلامك مستقبلك شغلك عيلتك شريك حياتك ..
ادخلي النهاردة معاه في عهد ..
عهد ابدي هو الضامن فيه مش انتي ..
اطلبي علاقه 'حيَّة 'معاه
و مش هترجعي انتي اللي تعرفيها (وعن تجربه صدقيني)... ما خلاص بقيتي موضع راحته 🙂 .. بقيتي عنيه اللي بيشوف بيها وقلبه اللي بيحس بيه.. بقيتي حضنه ع الارض .. بقيتي ايده اللي بتطبطب ع الموجوع
اللي بيستنجد بيه !!
اللي هتشاوري عليه بس ..!!! ،هيعملهولك
منتي فكرك بقي نسخة من فكره ياجميلة .. واشتياقك اشتياقه
واعماقك اعماقه..
#حبيبي_بيستريح_جوايا ..
حبيبي "حرفيا " مفيش زيه!!