منتدى الفرح المسيحى - احنا بجد لوحدنا اوي

عاوزاك لما تيجي تبص على ابوك..امك...اخوك...اختك...صحبك...مراتك...حبيبتك... زميلك...زميلتك

.... اي حد..اي حد...

مهما كان قريب منك...

عاوزاك تكون متاكد من حاجة واحدة بس...

انك متعرفش اي حاجة عن الناس دي....

دواخل الناس و خباياهم و صراعتهم النفسية اللي بيعيشوها كل لحظة....

هي حياتهم اللي بيقضوا معظم الوقت فيها من غير مايحسوا..

كل واحد فينا عايش في عالم اخر...خاص بيه...

محدش في الدنيا يعرف حاجة عنه غير صحبه

احلام قديمة متحققتش..

رغبات خاصة مستحيل تتحقق على أرض الواقع....

دوامات نفسية عميقة....

خليك فاكر حاجة واحدة بس ...

انت فعلا متعرفش حاجة....

متعرفش حد...

عشان كده بتتصدم في ردود افعال ناس كتير..

بتحس انك متعرفهمش ...

انت فعلا متعرفهمش....

كل اللي بتشوفه ما هي الا طباع فردية خاصة بيخلقها كل شخص عشان يتاقلم مع حياته الواقعية الروتينية اليومية..

....بس الحقيقة...

احنا فعلا منعرفش بعض....

اغلب طبايعنا الحقيقية و سلوكياتنا الواقعية موجودة في خيالتنا....

بعيدا عن أحكام البشر...و المجتمع. ..

و ضغوطات القانون و العادات و التقاليد و العالم و المادة......

احنا بجد منعرفش بعض......احنا بجد لوحدنا اوي