منتدى الفرح المسيحى - حوار مع الشيطان (1)

حوار مع الشيطان (1)
ابونا : كيف سقطت وانت كنت في رتبة ملايكية عالية ؟
هو:ها ها ها وانت مالك خليك في حالك كمان انت مش ادي
انا :ربنا يبعدك عننا لكن ليه مش عاوز تقول ؟
هو :ما انت عارف اني " انا قلت في قلبي اصعد الي السموات واضع كرسي
فوق كواكب الله واصير مثل العلي "(14:14) يعني :اشتهيت الالوهية
انا :وايه الاوعية الكتيرة اللي انت شايلها وايه حكاية الريشة ؟
هو:دي "اسلحتي" اللي باغري بيها اصحابي مش انت ليك اصحاب علي الفيس
انا كمان لي اصحاب جوه الفيس وبره في كل مكان
انا:يعني انت بتجبر الشخص ان يعمل خطية ؟
هو:شوف ياسيدي انا ابص للواحد من بعيد واعرف هو بيحب ايه واروح راميله
"الطعم" بتاعي واستني !!! متنساش ان انا لي سبعة الاف سنة خبرة معاكم
انا: طيب ممكن تقولي : ايه حكاية الريشة اللي علي راسك ؟
هو: دي يا حبيبي :اضل بيها الناس اللي بتلهج في نواميس وشريعته
انا:يعني انت عارف انه في"اله" اومال بتخلي الناس تلحد ليه ؟
هو: بذمتك ده سؤال ماانت قريت في رسالة يعقوب"انت تؤمن باله واحد حسنا
تفعل والشياطين(واخد بالك احنا يعني) يؤمنون ويقشعرون"
انا: طيب ايه حكاية الملحدين دول ؟
هو: انا اقولك : كل واحد منهم واثق ان في اله للكون بس الحكاية تلاقي كل واحد له مشكلة معينة او "خالف تعرف" مش الكتاب شرح "قال الجاهل في قلبه ليس اله "
انا :نرجع تاني للريشة : واللي علي حاجبك بتعمل بيها ايه ؟
هو :دي اكحل بيها عينين السهرانين في الصلاة فيكبس عليهم النوم وانا افطس من
الضحك
انا : واللي علي ودانك ايه فايدتها ؟
هو : شوف ده اخر سؤال وبكرة نكمل علشان انا مش فاضيلك : دي باخلي حبايبي يسمعوا كلامي انا وما يسمعوش كلام المرشدين كمان يسمعوا الاغاني بتاعتي انا مش ترانيمكم
ابونا : "الحرب للرب وهو قادر ان يغلب بالكثير وبالقليل "
بحبك ياربي ياقوتي وتسبحتي مليش غيرك
من كتابات ابونا اثناسيوس فخرى