منتدى الفرح المسيحى - اهم حاجه أنكم تسامحوا

الناس دى عايشه ازاي .. ؟!!
الناس اللي بيقدروا يتغيروا ...
و يغيروا مشاعرهم ...
اللي كانت حب وخوف ولمسه وطبطبه ..
من شخص لشخص تاني ..
ازاي بتتحولوا كده ..
وازاي بتتحول مشاعرهم ...

طب عاوز اسالهم ؟؟؟
هو بيكون نفس الاحساس ...
ولا كل واحد بيجي بأحساسه ... !!!

بسهوله كل حاجة بتتنسي ..
الوعود وكلام ان الفراق والبعد فيه نهايه لحياتهم ... والدموع اللي غرقت الارض ...
نحط خط تحت الدموع ...
ونشيله بسرعه .. عشان بتنزل كتير
هتمسح الخط الابيض
اصله احساس مش مجرد ...
كحل اسود ...

السؤال التاني ... دموع الفرحه راحت فين ...
وبقيت لمين ..
حاجات كانت ليها قيمه وبقي ملهاش ..

ازاي بتتغيروا في وقت قصير من ده ل ده ...
ده لو انسان آلي كان هياخد وقت في البرمجة 😃

مش مشاعرررر.. وحياة وامال وتخطيط عمراني
في حاجه غلط ..
واكيد الغلط هتطلعوه فينا ...

طبعا كل دى اسئله بتدور في عقولكم و بتسألوها ..
وده مش معناها انكم لسه بتحبوهم ..

انتم اكتشفتوهم عشان كده بتحكوا ....

لان بختصار محدش بيحكي علي حد بيحبه !!
ويشوف عيوب وكدب ومشاعر ويحكي كده !!

انتم مش فاهمين ازاي بيحصل كده ..
وده حقكم ...
شويه ولوحدك ( هتفوق او تفوقي )

اهم حاجه انكم تسامحوا ..👍👍

كفايا انكم متاكدين من جواكم انهم بيمثلوا فرحتهم ..
اصل انتوا عشان حبتوهم بصدق ..
عرفتوهم اكتر من نفسهم ..

شنودة موريس