منتدى الفرح المسيحى - مامى رخمه !!!!!!

كنت فاكرة اني عمري ما هزعق ولا اخوفهم مني .. بس طلعت ببرق واشخط و اكشر عادي
كنت فاكرة اني هلعب معاهم طول الوقت و اتعفرت .. بس طلعت مابحبش لعب العيال
كنت فاكرة اني هاكل معاهم شيبسي و حلويات .. طلعوا un healthy food
كنت فاكرة اني مش هوجعهم وانا بسرح .. و اسيبلهم شعرهم وقت مايحبوا .. طلعت بعمل ضفيرة عادي ..
كنت فاكرة ان وقت المذاكرة هيكون وقت لذيذ كله مرح .. طلع زعيق و اوامر و هات الكتاب ده و سيب ده .. ويلا بسرعة
كنت فاكرة ولادي عمرهم ماهيمشوا حافيين ولا يقولوا لأ .. طلعوا مش نازلهم اوبشن حاضر
كنت فاكرة وقت النوم يبقي كله حواديت و لعب و غنا ... طلع ..............
كنت فاكرة ان احلي وقت هيبقي وقت الخروج و الفسح ... طلع كله جري جري جري
كنت فاكرة اني هتبسط وانا بزور بيهم صحباتي في بيوتهم .. طلعت الخساير بوهيميا و لومينارك و فليروي ..
كنت فاكرة اني هسيبهم يخرجوا مع صحابهم من غير ما اقلق او اخاف ..ولا اكلمهم كل شوية عشان اتطمن ..
كنت فاكرة اني هسيبهم يلبسوا علي مزاجهم .. و يسمعوا علي مزاجهم .. و يخرجوا علي مزاجهم..
بس تقريبا طلعت مامى رخمه