منتدى الفرح المسيحى - المرحلة

فى مرحلة فى الحياة أسمها
المرحلة_البرنسية

لما توصل للمرحلة دى مش هاتلاقى نفسك بتدخل فى أى نقاش
ولو دخلت مش هاتحاول تثبت للى قدامك أن فكرته غلط
ولو حد صدق نفسه وقلب الترابيزة هاتسيبه يصدقها عاااادى ولو كدب عليك هاتسيبه برضو يكدب عليك عادى وبدل ما تحاول توريله انك كشفته هاتستمع بشكله و هو بيكدب و أنت عارف الحقيقية .

هاتدرك أنك مش هتقدر تصلح الكون
ها ترمى كل اللى زعلك ورا ضهرك و حتكمل فى حياتك
صحيح هاتفتكر حاجات ضايقتك من وقت لتانى
بس متقلقش هاترجع للمرحلة البرنسية تانى

هاتمشى في الشارع مبتسم ابتسامة ساخرة وأنت بتتفرج على ناس بتتلون
وبتتصارع علشان حاجات ملهاش قيمة

بقيت عارف كويس أن اللى فرحان النهاردة هايبقى زعلان بكرة و اللى زعلان هايبقى فرحان
وأن مفيش حاجة بتفضل على حالها..
لو فى يوم وصلت للمرحلة دى متحاولش تغير من نفسك
انت كده وصلت لقمة السلام الداخلى و التصالح مع النفس.