منتدى الفرح المسيحى - انتبه !! كنيستنا مفيهاش متفرجين

منتدى الفرح المسيحى (https://www.chjoy.com/vb/index.php)

- قسم المواضيع المسيحية المتنوعة (https://www.chjoy.com/vb/forumdisplay.php?f=154)

- - انتبه !! كنيستنا مفيهاش متفرجين (https://www.chjoy.com/vb/showthread.php?t=454165)

انتبه !! كنيستنا مفيهاش متفرجين

لو بتيجى الكنيسة و"بتقف ساكت" انت كده مبتقومش بدورك فى الخدمة "خدمة التسبيح" ...

لازم تعرف ان فى صلواتنا كل الشعب خدام ... لكل واحد دوره ... معندناش متفرجين او مستمعين ...

كاهن ... شماس ... شعب ...
ودور الشعب هو خدمة التسبيح ...

بدليل ان تحليل الخدام بيقول :
عبيدك يارب خدام هذا اليوم أبى الكاهن واخوتى الشمامسة و"كل الشعب".

صلواتنا الليتورجيا هى فى الأصل صلوات شعبية جماعية ...

المردات هى للشعب كله وخطأ شائع أن نظن أنها للمعلم أو لخورس الشمامسة فقط
(نلاحظ فى الخولاجى يقول الشعب)

لو حضرتك شماس (معلم) ...
ياريت تهتم ان الشعب يشترك فى الصلاة والتسبيح

لو حضرتك مش شماس ..
اول ما تدخل الكنيسة دور على خولاجى او ابصلمودية واشترك فى الصلاة والتسبيح، حتى لو مبتعرفش، الصلاة هتعلمك الصلاة.

تخيلوا لو الكنيسة كلها اشتركت فى الصلوات بقلب وروح وصوت واحد ... انها كنيستى الارثوذكسية وافتخر ...

" فَلْنُقَدِّمْ بِهِ فِي كُلِّ حِينٍ للهِ ذَبِيحَةَ التَّسْبِيحِ، أَيْ ثَمَرَ شِفَاهٍ مُعْتَرِفَةٍ بِاسْمِهِ " (عب 13: 15)