حبيبتى مصر دى فيها باأعيش

وهىَّ فىَّ كمان بِتعيش
وإن سيبتها ورُحت أتغَرَّب
فى قلبى برضو مابِتسيبنيش
تُرابها دَه غالى علىَّ
فى قَلبُه أهلى وأجدادى
بلادى بلادى لَكِ حُبِّى وفُؤادى
إيه يعنى فى الدِّين مُختَلِفِين
كِفايه إنِّنا بَنى آدمين
مُسلِم مَسيحى إيد واحده
كِفايه إنِّنا مَصرِيين
مَفيش لا فِتنَه طائِفِيَّه
ولا كُره يجى النَّاحيه دى
يارب كُون عَنها مَسؤول
خَلِّيها فى رعايتَك على طُول
وِحِل مَشاكِلها بنَفسَك
عَندَك لأصعَب حاجه حلول
إدِّينا وِحدَه وَطَنِيَّه
وِسلام سَماوى مش عادى
كلمات الشاعر رمزى بشاره