منتدى الفرح المسيحى

الظروف حدفتني الصبح اني أدخل احدى المصالح علشان اخلص شوية اوراق
المهم لقيت راجل غلبان قاعد بره في الشارع وعمال يقول زمن صالح زمن صالح
قولتله ربنا يبشرك بالخير ياحج
ومن ساعت مادخلت المصلحه علشان اخلص حاجتي وكل حاجه متعقده
طلعلي راجل من تحت الأرض قالي اؤمر يابيه
قولتله عاوز اعمل كذا وكذا
قالي من عيني بس متنسناش في الشاي
لقيت نفسي تنحت شوية وجري قدام عيني شريط طويل وانا متبهدل وواقف طابور وفي الأخر يقولولي السيستم وقع وتعالى بكرة
لكن الحمد لله مستسلمتش للفكر السلبي ده وبصيت للراجل وبكل ثقه قولتله ، خدامك :d
كل ورقة يعملها يقولي متنسناش في الشاي
اقوله ياعم مانت لسه واخد الشاي
يقولي المرادي مش ليا
المهم حلبوني شاي بمعنى الكلمة
وكل ده وانا واقف وعايز اطلع امسك في زومارة الراجل العجوز اللي كان قاعد علي الباب ومتفائل وبيقولي زمن صالح
المهم بعد ما الموظف خلصلي كل حاجه لقيته بيقولي اي حاجه تحتاجها بعد كده اسأل عليا بس
قولتله اسمك ايه ؟
قالي خدامك صالح :d
#زمن_صالح :/
مايكل سامي