منتدى الفرح المسيحى - كبرت يا أمى وصحتى بقت على قدى

منتدى الفرح المسيحى (https://www.chjoy.com/vb/index.php)

- شبابيات الفرح المسيحى (https://www.chjoy.com/vb/forumdisplay.php?f=91)

- - كبرت يا أمى وصحتى بقت على قدى (https://www.chjoy.com/vb/showthread.php?t=448752)

كبرت يا أمى وصحتى بقت على قدى

زمان كنت ببقى عايز اخرج واتفسح ومرجعش البيت خالص
بس دلوقتى
اول ما اخرج يدوب فى نص الخروجه كل شويه ابص فى الساعه
وابقى عايز اروح البيت واقعد فى اوضتى وعلى سريرى

كنت ببقى عاوز اكل بره فى مكان مختلف مش تقليدى ومش طايق اكل البيت
بس دلوقتى
بقيت اول ما بأكل بره بقول مافيش احسن من أكل البيت برضو هو الواحد مش هيبطل رمرمه بقى
وارجع بسرعه اشوف امى كانت عامله ايه على الغدا عشان اكل منه

مبقتش احب اتكلم فى التليفون اكتر من دقيقه مع اى حد
هتقول حاجه مفيده ماشى ... هترغى فى اى كلام لأ سيبنى انام احسن

ده غير ان الواحد بقى يطلع السلم ينهج
بيروح من الشغل او اى خروجه ضهره واجعه
عاوز حد يدوسله عليه او يفرده بالعصايا بتاعه فرد البيتزا دى عشان يفك

فتقريبا كده لو انت شاب وبيحصل لك الكلام اللى فوق ده
فأحب ارحب بيك فى نادى
" معا نستمتع بشيخوختنا المبكره قبل ان نلقى الأحبه "

وع العموم مش ناقص غير أننا نربط دماغنا لما نصدى
وف الشتا نلف صدرنا بورق جرايد
ونغلى ورق شجيرات الجوافه اليتيمه عشان الكحه الناشفه اللى عندنا

كبرت يا أمى وصحتى بقت على قدى
ممكن تقوم ياحاج وتقعدنى مكانك عشان الصحه ما بقتش مساعده