منتدى الفرح المسيحى - اجري علي بيتكم (للبنات فقط)

لما تيجي تتجوزي واحد :

- اتجوزى حد زيك ماديا و اجتماعيا و دراسيا و ثقافيا

- افتكري ان اهله دول هم اللي هتروحي عندهم كل اسبوعين تقضي يوم الجمعه . نقي البيت ده كويس .

- انك لو جبتي عيال، حماكي و حماتك هيجيبولهم هدوم هدايا مثلا . يا ريت تفكري في صورهم علي الفيس بوك هتبقي عامله ازاي . ؟
شوفي حماكي بيعامل مراته ازاي ، هتتعاملي زيها بعد شويه،
اغلبنا بيبقي زي اهله لما بنكبر . لو حماكي بيزعق في مراته و بيشتمها هي و عيالها، جوزك هيعمل فيكي كده.

- شوفي حماتك و حماكي بيتهم عامل ازاي ، لو بيتكم مش كده، اجري .

- اخوات خطيبك ده هم اللي هيبقوا عمات عيالك . ايه النظام ؟
تعرفي تقضي معاهم يوم مع اصحابك و لا متقدريش؟ بيلبسوا و بيتكلموا زيك ولا بتقعدي مستغرباهم ؟.
هم دول اللي هيبقوا عيلتك ، لو مش زيك انتي و اهلك ؟ اجري علي بيتكم .

- لو حسيتي ان حماكي و لا حماتك بيعاملوكي وحش و لا مش طايرين بيكي ، اجري يا مجدي .
هيطلع علي عينك بعد كده . في ناس موءذيه . لو وقعتي في دول ، اجري علي اهلك فورا.

- لو اهلك قالولك بلاش الجوازه دي ، عشان خاطر ربنا يا شيخه اسمعي كلامهم .
هم فاهمين اكتر منك و افتكري ان في اول خناقه بينكم مش هتعرفي تروحي لاهلك تشتكي .

- لو اتنيلتي علي عينك و اتجوزتي حد اهلك مكانوش موافقين عليه و ضايقك ،
اشتكيه لاهلك ، هم عارفين انك صغيره و احتمال يقطموكي بكلمتين بس في الاخر، هيجيبولك حقك .

- متسيبيش شغلك علشان راجل . فلوسك في جيبك ، مستقبلك بتاعك ، جوزك يطلع مش كويس ،
تعرفي تعيشى لوحدك بعد كده و تعتمدي علي نفسك .

- حماتك لازم تحسي انها زي مامتك بالظبط، جوزك يزعلك ، تكلميها تبستفهولك .
لو شايفاها مش هتعمل كده و نظام ابني ملاك و يا بخت اللي تتجوزه و هي تطول ، اجري يا مجدي برضه .

كلمتين تحطيهم حلقه في ودنك : لو بيت ابوكي مش زي بيت حماكي، متتحركيش من بيتكم .
البنت عندنا بتطلع متنزلش .