منتدى الفرح المسيحى

اصعب حاجه ممكن تضرب فيها هو منطقه استقبالك لكلمه الله هو منطقه اكلك و شبعك لانها هي اساس حياتك حتي لو انت مش حاسس انها اساسيه بس ف الحقيقه اي وقت بتبقي تعبان و منهار فيها فانت بتحتاج اوي ساعتها لكلمه من الله تحيي و تشدد و توقفك علي رجلك تاني لكن ابليس بيخلينا ندور علي حاجات تاني بنبقي فاكرين انها هي اللي هتطلعنا من وجعنا و كآبتنا و ألمنا اذ كانت بقا قاعده صحاب خروجه سفر كل ده بيخلينا فعلا نرتاح بس كل ده للاسف اوقات كتيره مش متاح و في ناس لا في عندهم امكانيات يسافرو ولا حتي يخرجو .. و لكن الاساس ان كلمه الله حيه و فعاله و تحيي و تسند و تطبطب و تحتضن .. ف من اصعب الضربات انك تضرب في منطقه سندك و اكلك و شبعك .. يقفل نفسك عن الاكل يخليك مش قادر تبلع لا وعظ ولا كلام ولا صلواات ولا آيات .. لانك حقيقي تعبااااان و مش قادر تستقبل و لا تبلع حاجه .. بس الحاجه الوحيده اللي كانت بتريحني المياه اول ماشربها بحس براحه في زوري و بحسه بيهدا .. علاجك من عدم استقبالك لكلمه الله هو "كلمه الله" .. لانك هترتاح هو هيعرف يعالجك .. متوقفش عشان هتموت و هتقع و هتخور و محدش هيسند غير كلمته .. الله حاسس جدا بألمك بس بين ايديه العلاج مش براه .