منتدى الفرح المسيحى - حد عايز هرمونات ؟؟؟؟

حد عايز هرمونات ؟؟؟؟

المخطوبين واللي عايشين قصه حب بيتحكم فيهم الدوبامين والسيراتونين ،
الأولاني هو (كيمياء الإثاره والتوهج ) اللي بتخلينا عايشين في حاله انفعال دايم ،
والتاني هو هرمون (السعاده) اللي بيخلي القلب يدق لما نقابل المز او المزه ،

الاتنين هما اللي بيعملوا فينا حاله الاستمتاع المؤقت والحب الوهمي اللي بنحسه احيانا ،
وبنسميها مشاعر وهميه مؤقته لأن النتيجه اللي بيحققوها جوانا ممكن تحققها لينا علبتين شيكولاته رافايلو مع رحله مثيره ومجنونه لشرم الشيخ او جمصه ،
حتي لو مع مرات بابا او جوز ماما ،

وسبحان الله
بعد الجواز بينتهي دورهم ويختفوا بالتدريج لأنهم عملوا اللي عليهم وعرفونا علي بعض او خلونا نحس اننا بنحب بعض ، علشان كده بعد الجواز بنحس بشويه فتور في العلاقه العاطفيه والجسديه
فنتهم بعض بالتقصير والاهمال ،
مع ان الحب ممكن يكون زاد بس اللي حصل ان شكله وطريقه التعبير عنه اتغيرت ،

وده بسبب افراز الاوكسيتوسين والأندروفين ،
الأولاني هو هرمون ( الحب طويل المدي ) والتاني هرمون ( الموده ) ،

والأتنين ينفع نسميهم هرمونات الحب الحقيقي ،
لأن افرازهم بيزيد جدا نتيجه الحضن الدافي بين الزوجين والاولاد ،
او نتيجه للشعور بالأمان والاستقرار
او تجمع اسري هادئ ومترابط ،
او اثناء العلاقه الجسديه المشبعه والمرضيه للضمير ،

ومن نعمه ربنا ان افرازهم بيزيد جوانا كل مانتقدم في السن ،
والمعجزه بقي ان الهرمونين دول بالتحديد ليهم نتايج غريبه :
زي الإلتئام السريع للجروح واختفاء الألم ، زي شفاء الأمراض المستعصيه وزياده المناعه ،
سبحان الله بجد .

بس طبعا الستات عايزه الحياه كلها سيراتونين ودوبامين ، صح ؟

cpd