منتدى الفرح المسيحى - ايدى فى ايدك لان فيا الإرادة وفيك الضمير (القلب والعقل)

https://upload.chjoy.com/uploads/1472506915421.jpg

القلب: انا تعبان أوي وموجوع من جوايا
العقل: سلامة سعادتك دلوقت تبئه تمام
القلب: انت ايه مبتحسش كل حاجة عندك سهلة وبسيطة بقولك موجوع
العقل: ممكن اعرف ايه المطلوب مني بالظبط
القلب: معرفش ده شغلك انت
العقل: اسمع بئه التعب اللي انت فيه ده بسبب تهورك وغبائك وافتكر كويس اني قولتلك بﻻش وحذرتك وانت مسمعتش
القلب: كنت عاوزني اعمل ايه يا أخي مقدرتش اشوفها ومحبهاش
العقل: لما متعرفش تعمل ايه يبئه تسمع اللي ااقوله من سكات
القلب: انت عاملني شماعة مش غلطي لوحدي انت كمان اخدت قرار انك تقرب منها
العقل: تصدق انت معاك حق دي غلطتي اني طاوعتك وحبيت ارضيك بعد كده اللي هقوله هيتنفذ سواء رضيت او رفضت
القلب: لو ده هيريحك ويرضيك اعمله يا صاحبي دوس عليا وااقتلني
العقل: انت مش فاهم اي حاجة لانك متعرفش غير انك تحس وبس
القلب: فعلا بس تنكر اني بدي للحياة طعم ولون من غيري كل حاجة ميتة
العقل: تهورك بيدمرك وممكن يدمرني معاك انا خايف عليك واما برفض كتير من تصرفاتك ده حماية ليك عشان متوصلش للوجع اللي انت فيه دلوقت
القلب: كلامك صحيح وانت كان معاك حق ف كل كلمة ومن هنا ورايح اعمل اللي تشوفه صح وبس ومتمشيش ورايا انا من غيرك نهايتي الموت
العقل: انت عارف ان ف وجعك مكنتش حاسس بطعم الدنيا انت اللي مدي حياتي روح ومن غير وجودك الحياة تبئه صعبة وانا هتحول لوحش من غير مشاعر
القلب: لا الحق والصح انت عارفه وانا بقولك خليك مسئول عني انا طفلك وهمشي وراك لانك اقوى مني
العقل: فعلا انت طفلي ومسئول مني لكن هتمشي معايا ايدي ف ايدك لان فيا الإرادة وفيك الضمير.