منتدى الفرح المسيحى - أنت أقوى عدو ممكن يدمرك !!!

عدوك الحقيقي ... هو نفسك ... أنت أقوى عدو ممكن يدمرك !!!
الإنسان الناجح هو اللي بيسخر فترة من حياته عشان يتعلم فيها و عشان يعرف هو عاوز ايه بالظبط من حياته ...
و مبيندمش على أغلاطه و تجاربه و فشله ....
و مبيستسلمش لأي مغريات ممكن يتعرضلها في طريقه تلهيه عن الحاجة الحقيقية اللي هتسعده و هترضيه ....

الإنسان الناجح ... مبيأذيش نفسه و يسمح للناس أنهم يتحكموا في مسار يومه و موده و نفسيته ...
لمجرد أنهم مختلفين معاه ... أو حتى مش حابينه ....

الإنسان الذكي بيعرف يترجم مشاعره و بيروضها ... و بيفصل بينها عشان يسمعها كويس ....

الإنسان الذكي عارف إن مش كل المشاعر حقيقية .... في مشاعر وليدة اللحظة و الحين ...
و ساعات بتبقى صوتها عالي أوي زي الانفجار... بس في الآخر بتنتهي بشوية دخان ..... قنبلة صوت مش اكتر .....

الإنسان الذكي عارف إن مفيش حاجة بتفضل على حالها .... كل حاجة بتتغير ... و هو كمان بيتغير ...
اولوياته بتتغير ... مشاعره بتتغير... ظروفه المادية بتتغير .... الناس اللي حواليه بتتغير .....
و على طول بيقاوم فكرة العيش في الماضي و التمسك بالذكريات المؤلمّة و الوعود اللي متنفذتش .....

الإنسان الذكي .... مبيسمحش لنفسه تدمره....
أنت الشخص الوحيد القادر على تدميرك ...
أنت عدوك الأول و الأخير !!!!

cpd