|
صلاة من أجل ضعفي ارجوكم
محتاجة صلواتكم جدا
بمر بحالة احباط روحي وتعب وارهاق نفسي تعبانة جدا لاني حاسة اني ببعد ومافيش تشجيع يعرفني انا فين وماشية ازاي حاسة بفتور أو برود مش عارفة وفي كل مرة اصلي ملقاش تعزيات خايفة لا يكون فيه حاجة حاجبة القوة فيا بحاول اصلي بس ماسكني حالة تعب وخمول واعياء ليه أيام وكل ما أخرج من الدائرة دي ادخل فيها تاني بيجيني نوم وسبات وأقوم ألقي نفسي مصليتش كنت متعود ة علي وضع روحي معين قبلاه لأنه كان فيه تعزيات فجأة لقيت كل حاجة كانت مبقتش مش عارفة ليه أرجوكم صلوا من اجل ضعفي اني الرب يتحنن عليا ويشدد الباقي فيا وربنا يعوضكم |
رد: صلاة من أجل ضعفي ارجوكم
ربنا يكون معاكى ويرشدك وهو قادر انه يفرح قلبك ويسندك فى حياتك ويجعل كل حروب عدو الخير تحت رجلك ويقويكى فى طريقك الروحى |
رد: صلاة من أجل ضعفي ارجوكم
يا رب يا يسوع ارفع عنها أي ضيقة، لذلك لتقوي ولتتشجع قلبها مؤسسا نفسها علي البر والتوافق مع إرادتك ونظامك ، حاشا أن تفكر حتى في الضغط والدمار لأنه لن تخاف ، حاشا أن ترتعب لأنك قريب منها . يا أبي إن أفكارك وخططك التي أنت متفكر بها عنه هي أفكار خير وسلام، يارب لا تسمح لنفسها أن تقلق أو تنزعج أو تخاف أو تكون غير مستقرة ساعدها ويارب وابعد عتها ابليس وهدئ من روحها طبطب عليها يارب وادخل في قلبها السكينة والاطمئنان |
رد: صلاة من أجل ضعفي ارجوكم
ربنا يكون معاكى يا نيرمين ويساعدك ويبعد عنك حروب عدو الخير وترجعى زى الأول واحسن |
رد: صلاة من أجل ضعفي ارجوكم
ربنا معاكى ويقويكى ببركه شفاعه العدرا وجميع الشهداء والقديسين
|
رد: صلاة من أجل ضعفي ارجوكم
اشكركم أحبائي ربنا يبارككم ويفرح قلوبكم لأنكم بالحقيقة الأقارب التي ذكرها الرب يسوع في قصة السامري الصالح
اشكركم يااااااااااااااااااااااااارب آمين |
| الساعة الآن 01:07 PM |
Powered by vBulletin® Copyright ©2000 - 2025