منتدى الفرح المسيحى - اريد رحمة لا ذبيحة

يا خادم...ياراعي لخراف المسيح..
بلاش نظرة التعالي علي المخدوم
و انه خاطي و انت كبير المؤمنين...
بلاش شغل الوقفة ع الغلطة انت شغلتك تصلح و تقوم مش
شغلتك تعاقب و تدي قوانين حرمان و فرمانات...
بلاش التعامل يقتصر علي فئة المؤمنين و نسيب اللي بعيد عن ربنا بلاش نقول عليهم خطاة لكن دي خراف ضالة الطريق اللي المفروض انت اللي بتعرفهولهم...
بلاش نظرة القدسية المطلقة عشان كل انسان ليه ضعفاته و مميزاته اهتموا بيهم و بلاش تنفروا منهم لكن للمسيح قربوهم...
ناس كتير ضلت و السبب نظرة البعض منكم ليهم
شايفينهم خطاة و مافيش رجا فيهم
ارحموهم حسوا بيهم هاتلاقوا جواهم انسان تاني...
انسان نفسه يلاقي اللي يقف جنبه و يسأل عليه
و اللي جواه هموم خانقاه و نفسه يلاقي حد جنبه
هاتلاقوا جواهم حاجات كتير..
فا ماتبقوش انتوا و اللي برة دايسين عليهم
الرحمة و الرأفة حلوة انتوا كنتوا قبلهم زييهم
و ربنا بيرحم و بيغفر يبقي احنا البشر مش هانرحم
#اريد_رحمة_لا_ذبيحة