منتدى الفرح المسيحى - اعرفوا عيوب بعض ....

قعدنا نفكر كتير فى اهم الصفات اللى لازم تبقى موجودة فى #شريك_الحياة
اللستة اللى هنمشى عليها عشان نختار صح ..
وجيبنا ورقة وقلم وكتبنا حاجات قد كدة
متفرحوش اووى

احنا قطعنا الورقة اصلا !!!

اه اتقطعت واترمت كمان

وطلعنا بالخلاصة دى ........
الصفات و العيوب والمميزات لكل واحدة فينا نسبية جدا ..
مش كلنا بنستحمل زى بعض العيوب
واللى بالنسبة لك شىء مبهر هو لغيرك لا يعنى اى شىء

بس عشان متحتريش وتحسى انك توهتى بالكلمتين دول

هتختارى صح لما تعرفى أولوياتك انتى بس

يعنى اسرحى مع نفسك كدة وقولى اية العيب اللى لو أكتشفته بعد الجواز هتستحيل العيشة معاه
يعنى مثلا ... ها مثلا

لو بعد ما اتجوزته شرب سجاير ومكنش بيشرب .. هتسبيه ؟
لو إجابتك : اه
يبقى دى أولويات عندك مفيهاش جدال ...يعنى لو مدخن ارفضيه .

بس كدة يا ستى ...
يعنى قسميها فى دماغك كدة
عيوب استحالة استحملها
مميزات عمرى ما هتنازل عنها
عيوب ممكن اعديها
مميزات لو فىه يبقى خير وبركة

لكن انى اقولك اوعى تتجوزى البخيل .. ابقى بكدب عليكى
اصلى اكتشفت البخل والحرص بالنسبة لبنات ميزة
وبتاع البنات .. بالنسبة لبنات تانية استايل ولذيذ

وعشان كدة بيبقى فى فترة خطوبة عشان نعرف عيوب بعض .. العيوب ... كمان مرة العيوب
مش عشان نعيش لنا يومبن ...ونجيب دباديب وشكولاتة