منتدى الفرح المسيحى - ٣ حروف لكن معناها كبير ..

منتدى الفرح المسيحى (https://www.chjoy.com/vb/index.php)

- شبابيات الفرح المسيحى (https://www.chjoy.com/vb/forumdisplay.php?f=91)

- - ٣ حروف لكن معناها كبير .. (https://www.chjoy.com/vb/showthread.php?t=440199)

٣ حروف لكن معناها كبير ..

فوت ..

فيه "تصرفات" مؤلمة لازم تفوتها ،
ممكن غير مقصودة : ممكن انت حساس ، ممكن انت حسبتها غلط ،
ممكن كانت خطأك الشخصى ، و ممكن طبعا خطأ منهم.. لكن في الآخر لازم تفوت ..

فيه "مواقف" لازم تفوتها ،
حدثت و لا يمكن استرجاعها و لابد أن تتكيف معها : اللي تقدر تغيره غيره و اللي ما تقدرش عليه اقبله

.. بس لازم تفوت ..

فيه "ناس" لازم تفوتها،
ما تقعدش تحسب علاقات ماضية كانت عميقة و اتغيرت : ممكن كانت مرحلة و عدت ،
أو مصلحة و خلصت ، أو طباع لا تتوافق ، أو أخطاء عاوزة وقت لتنسى ..
اللي تقدر تصلحه اعمله ، و اللي رافض رجوع العلاقة فوته، يمكن الزمن يداويه ،
و حتي لو لم يرجع لك فكر فى غيره بدل ما تتوجع اكتر من العشم ..

٣ حروف لكن معناها كبير ..
"فوت" ..

د.مجدي إسحق