منتدى الفرح المسيحى - موقف لازم يتحكى

موقف لازم يتحكي
في دير العدرا بياض ببني سويف وقف ابونا مرقس علي خورس الكنيسة بيوعظ في نهضة العدرا. وطفلة صغيرة قعدت تصرخ وتعييط بطريقة غريبة لدرجة انها غطت علي صوت ابونا وكل الناس حوالين مامتها اتضايقوا والكنيسة كلها اتعصبت من صوت البنت . وكل ده وابونا مستمر في الوعظ برضو ماوقفش كلامه . قامت بنت من الكشافة قالت لمامتها...(( اتفضلي اخرجي برة سكتيها ))
الست اتحرجت طبعا فقالتلها انا اصلا بجمع حاجاتي وهخرج
وفجأة.....
ابونا مرقس قطع الوعظة ورد ع البنت وقالها.. اما الملايكة تخرج برة الكنيسة مين يستني فيها !!!
وبص لأم الطفلة وقالها..خليها تعييط اكتر خلي الشيطان يتحرق دمه **مش هبطل وعظ**
دي كنيستي اللي بفخر بيها
فعلا بلاش تجرحوا شعور الامهات وتكسفوهم بنظراتكم وكلامكم اما اطفالهم يعييطوا جوة الكنيسة او يعملوا دوشة
الشيطان بيلخمكم فعلا وبيعمل اي حاجة عشان يشتت فكركم او يثير غضبكم ويقتل محبتكم .
ومن جانب تاني . كان في حد قبل كدة قال عن الموضوع ده
الام اما بتتكسف من نظرات الناس ليها وكلامهم او تأثر ابونا او تنبيه للامهات لتسكيت عيالهم بيجبر الام تقعد ف البيت ماتنزلش الكنيسة تسمع كلمة ربنا.. (خسارة نفس) .