منتدى الفرح المسيحى - علشان خاطر بابا يسوع

فى يوم من الايام كان هناك اب ربنا رزقة بتوأم ولد وبنت وقرر انة لازم يخليهم ولاد المسيح بجد

وفى يوم كان الاب قاعد بيتفرج على التلفزيون ومعاه الولد بس وراح جه منظر وحش فى التليفزيون الاب يتصرف ازى قام وطفى التليفزيون

الولد زعل قوى وقاله ليه يابابا قفلت التليفزيون

راح باباه قاله علشان ياحبيبى لما الحاجات دى تدخل البيت بابا يسوع يخرج على طول
تحب اشغل وبابا يسوع يخرج ولا اطفى وبابا يسوع يفضل فى البيت ؟؟

الولد طبعا قال لباباه اطفى احسن

ومر كام يوم وكان الولد والبنت قاعدين يتفرجوا على التليفزيون لوحدهم وفجأه جه نفس المنظر اللى جه قبل كده
راح الولد قام بسرعة وطفى التليفزيون راح اختة زعقتله وقامت ولعت التلفيزيون .. وهو يطفى .. هى تولع ! ..وهو يطفى !..هى تولع !وهو يطفى! وفضلوا على الحال ده كتير لحد لما الولد تعب ..

قام قال لاخته حرام عليكى لو مش عشان خاطر التليفزيون يتحرق علشان خاطر بابا يسوع اللى نفسه اتقطع طالع داخل طالع داخل.

* اعطينى يارب هذا القلب النقى الذى يكون حساس ضد الخطية وخاضع لاطاعتك يحس بربنا قد ايه يضايقة ويزعل لوجود الخطية فى حياتى