منتدى الفرح المسيحى - انت ربى الآتى

https://upload.chjoy.com/uploads/1469746412141.jpg

لما بتملك القلب وتغير الكيان
وتبقى للنفس أب و رب ولسفينة حياتى الربان
لما بتعمل التغيير وتملا بحبك الوجدان
وتشدنى ناحيتك وما يفصلنى عنك زمان ولا مكان

لما بالطريقة دى بتيجى على حياتى
بلاقينى بادوب و يختفى صوت الأنا ف كلماتى
وبكل ثقة برنم : انت رب الآتى
وقلبى بيك ينشغل ويسبحك فى كلامى أو حتى سكاتى

ولما نفسى تقولى : ايه أحلامك ؟
لازم تحلم وبإيدك ترسم شكل مشوارك
عيش لنفسك وبص لحياتك
اسعى ودور واعمل عشان تشبع رغباتك

باقولها : يانفسى انتى لسة مافهمتيش ؟ !!
أنا مابقتش بتاعى خلاص وأحلامى ماتخصنيش
بقيت ملك اللى حبنى واشترانى ، دة زيه مافيش
واللى كل الناس بتدور عليه وتتعب ، دة مايلزمنيش

أنا باصص عليه ومسلم ليه
ولو الدنيا اتقلبت أو اتعدلت أنا ثابت فيه
باعيشله عمرى وباحلم ليه
وشاغلنى اللى هو عايزه ودة اللى باحيا وباتحرك بيه