منتدى الفرح المسيحى - فى طريق الوعد ( الحلم الكبير............)

https://upload.chjoy.com/uploads/1469733575371.jpg

فى طريق الوعد ( الحلم الكبير............)

وأنا بأستنى ربنا .. وبأستنى وعد كبير وعدنى بيه .. أنا مش خسران أكيد .. ووقت الإنتظار ده مش وقت ضايع .. ده وقت بيتحفر فيه فىّ المسيح .. بتتكسر فيه ذاتى اللى أقنعتنى إنى لازم أعمل حاجات كبيرة ولا أرضى بأقل من هذا ... بأتعلم إنى لا شىء وده درس مهم .. ساعتها بس أصلح لأن يستخدمنى الله ..... لأنه لا يستخدم إلا الإناء الخزفى .. لا يستخدم آنية ذهبية أو فضية .. ولا يستخدم الأقوياء بل الضعفاء والمزدرى وغير الموجود ليكون فضل القوة لله لا منا .... وفى نفس الوقت .. أثناء إنسحاقى لشعورى بأنى لا استخدم بأتعلم التسليم .. وبأتعلم تخفيض توقعاتى العالية .. والرضا بالقليل .. فأجد نفسى استخدم بسبب تغيير شخصيتى وبسبب الانسحاق .. يستخدمنى دون أن أدرى .. كتير الله بيستخدمنا واحنا ماشيين فى طريق الوعد الكبير .. ساعتها بيكون مشينا ده عظة .. بنبقى فى قمة الإنسحاق بسبب تأخير تحقيق الوعد .. وبسب شعورى إنى غير مستخدم .. .. فيستخدمنى دون أن يخبرنى .. يستخدمنى سراً .. فى الخفاء ... لأنه يخاف علىّ من الكبرياء .. ويخاف علىّ من تحويل عينى عن الهدف الكبير ... ده رأيى الصغير .. كونته من شوية إختبارات صغيرة اختبرتها فى حياتى