منتدى الفرح المسيحى - بدايه الحكايه

بدايه الحكايه ....

آدم اتخلق في الجنه قبل حواء بسنين طويله مانعرفش عددها ، لكن وبرغم نعيم الجنه استوحش ،
يعني حس بالغربه والملل ، كان نفسه يدعي ربنا بحاجه ، الحاجه دي من غيرها الجنه ماتبقاش جنه ،
ادم ماكنش عارف ايه هي الحاجه دي ، لكن ربنا حاسس بيه،
نام آدم وصحي لقي جنبه كائن غريب ، كائن جميل ،

سألها :
- من انتي ؟.. قالت حواء
- مما خلقتي ؟..قالت من ضلعك
- لما خلقتي ؟ .. قالت معين نظير

ادم فرح لأول مره بجد ، فرح من قلبه ، حس بطعم الجنه ،

يعني لازم تعرفي الجنه من غيرك ملل ووحده وفراغ ،
فاهمه ؟

طب السؤال :

- ليه انا اتخلقت قبلك في الجنه ؟
علشان احس بقيمتك واعرف ان اي نعيم من غيرك ممل ، كمان علشان اسبقك واتعلم قبلك ،
فأخدك من ايديك والف بيكي في الجنه اشرح ليكي واوصفلك واستمتع بانبهارك واحتياجك ليا .

- طب ليه اتخلقتي من ضلعي ، يعني مش زي منا اتخلقت ؟
علشان تفضلي عارفه انك حته مني ، علشان احس بمسئوليتي ناحيتك ،
علشان يربطني بيكي علاقه الكل بالجزء ، علاقه الاب ببنته ،

علشان كده لو ظلمتك هاتطرد من الجنه بإرادتي
وافهمي دايما انك مخلوقه من جسمي يعني حته مني ، وجوازي منك من اعظم آيات ربنا في الكون .