منتدى الفرح المسيحى - الباشا بتاعك بيعبرلك ازاي عن حبه ؟

الباشا بتاعك بيعبرلك ازاي عن حبه ؟

بيقولوا لغات الحب 5 ،،،، في عين العدو.

يعني الناس بتستخدم 5 طرق علشان توصل مشاعرها للي ادامها وتقوله بحبك ،

1- الكلام ،،،
يرغي ويصدع اهلك كلام حب ،( بحبك -وحشتيني- فينك ياجزمه )
او كلام تقدير واعجاب ( انتي رائعه -محترمه -جميله - مابتستحميش ).
والطريقه دي انسب لشخصيه البنت ، تحب تعبر كده لحبيبها
( لانها اصلا في بدايه الخليقه كانت ريكوردر بس تطورت چينيا لأمرأه) ،
وطبعا تتمني الباشا يعبر لها بنفس الطريقه وده في بيحصل دايما في المشمش .

2- اللمسه ،،،
الاتصال البدني يعني ، طبطبه ، حضن ، لامؤخزه بوسه ، اهو اي قله ادب وخلاص ،
وطبعا كل الرجاله تموت في الطريقه دي ( الا طبعا بعد الجواز ) .

3- الوقت ،،،،
يديها معظم وقته ، دايما يتصل بيها ، يقابلها ،
بمعني اصح متلأح حنبها علطول ، صايع يعني ، وطبعا كل الشياب دلوقتي صايعه ومافيش شغل .

4- الرعايه ،،،،
محتاجه حاجه ف ثانيه تلاقيه جنبك ،دايما في خدمتك ، اهم حاجه تلبيه احتياجاتك ،
حتي شغل البيت ، يطبخ معاكي ويجيبلك العصبي من دخوله المطبخ ،،،
اخرج بره ياحيواااااان .. حاضر ياعمري ،، مؤدب جدا ، والراجل طبعا مابيعملش كده غير بعد المعاش .

5- الهديه ،،،،
اوباااااا ، كل البنات ريقها جري ،،،. هدايا علطول ، جزمه ، موبايل ، برفان ، ورد ، سيجاره حشيش ،
تحفه الراجل ده ، بس موجود في الجنه بس .
انسي ياماما .

الخلاصه افهمي بيقدر يعير ازاي عنه حبه - احترمي الطريقه - ارضي بيها - حاولي توجهيه بادب للطريقه اللي تناسبك .

انجح زوجين هما اللي بيتكلمو ال 5 للغات ، او نفس اللغه الواحده .
( اللي هي الخرس ،،، .طبعا كلنا مابنتكلمش غيرها اصلا . )

منقول