منتدى الفرح المسيحى - عندما تسند ضعيف...اذن انت قوى

حين تسند الضعيف و لا تدينه حينئذٍ انت قوى :)
و لو بتفكر بس فى ضعفات غيرك يبقى انت اكيد ضعيف و نفسك تحس انك قوى على حساب غيرك :(
وصية كتابية اوصاها لنا الرسول بولس فى رسالته لأهل رومية لم يوبخهم على استهزائهم بالأمم لكن شجعهم بوصفهم أقوياء فصار هو أيضا مثال عظيم لهم و لنا فلم يستهزئ بهم بل قواهم و سندهم و شددهم و قال عنهم اقوياء علشان يسندوا غيرهم و مايستقلوش بيهم .
يا ترى احنا بنعمل كدة و الا بنكسر اللى حوالينا ؟؟
بندينهم و نتتريق عليهم و على ضعفهم و الا بنسندهم و بنقويهم علشان يقوموا ؟؟
لما تيجى تفكر فى ضعفات غيرك و تنتقده افتكر يسوع لما قابل السامرية و ساب كل عيوبها و مدح فيها انها لم تكذب و حسسها ان عندها حاجةحلوة و قال لها ( حَسَنًا قُلْتِ: لَيْسَ لِي زَوْجٌ ) (هذَا قُلْتِ بِالصِّدْقِ ) مدحها و حسسها انها فى عينيه حد كويس لأنها صادقة مش كذابة !!
جرب النهاردة تسند ضعيف و تقوله على حاجات حلوة فيه شدده بدل ماتكسّر فيه و تقعد نعد فى عيوبه .
"فَيَجِبُ عَلَيْنَا نَحْنُ الأَقْوِيَاءَ أَنْ نَحْتَمِلَ أَضْعَافَ الضُّعَفَاءِ، وَلاَ نُرْضِيَ أَنْفُسَنَا."
رو 15 - 1