منتدى الفرح المسيحى - المعادله الصعبه ....

https://upload.chjoy.com/uploads/1467838538741.jpg

من بدايه مراهقتى ولحد اواخر الجامعه كنت بعذب نفسى وانا مش واخده بالى!
كان عندى اقتناع انى لازم ابقى احسن وده فحد ذاته حاجه المفروض انها كويسه لكن اللى كان مستخبى ورا الرغبه دى هو انى عاوزه اتغير للاحسن لانى كده وحشه جدا وبالتالى اكيد مش عاجبه حد!!
كنت هارياها تعذيب بكلام زى:
ايه الرط اللى بترطيه ده كله؟
ايه الضحك الكتير ده ؟!
مناخيرك كبيره..كبييييييره
شعرك خفيف
لبسك وحش جدا

وعلى الرغم من انى لسه رطاطه وبحب الضحك ومناخيرى ماليه وشى وشعرى لسه خفيف وبرضه عاوزه اتغير للاحسن لكن فى حاجه حصلت خليتنى بتغير اسرع ومن غير تعذيب فنفسى..الا وهى انى “حبيت نفسى” اللى ربنا خلقها على صورته بالامكانيات دى:-)

اه لسه قدامى رحله تغيير لكن مش منطلق انى مش طايقه نفسى حاليا لكن من منطلق انى مخلوقه بالشكل والمواهب والميول دى لغرض فى قلب الله وانا حابه احقق هدفه فحياتى فبمشى فرحله التغيير اللى هو عاوزهالى مش اللى انا عاوزاها عشان اعجب الناس

“احمدك من اجل انى قد امتزت عجبا”
“نتغير الى تلك الصوره عينها”
معادله لو استوعبتها هتختصر على نفسك عذابات كتير😉