منتدى الفرح المسيحى - عاوز اعترفلك اعتراف

عاوز اعترفلك اعتراف ..

صحيح ان كل اللي يسألني .. دوا الحنين ايه .. عﻻج الاشتياق ايه ؟... اطفي نار الفراق ازاي .. دايما ب ارد بكلمة واحدة ...

الوقت ..

الوقت كفيل انه يعالج كل دا و اكتر ...

عاوزة الحق ... كدب .. كل دا كدب ..

فيه انواع من الحب ب تكلبش في القلب ما تسيبوش اﻻ بطلوع الروح ..
حب ب يعتق مع الوقت ..

فاكرة زمان .. اما كنا نشتري البرفانات الغالية و نخبيها بين الهدوم في حتة ضلمة في الدوﻻب عشان " تعتق " ..
عشان لما نطلعها بعد شهور او سنين تبقى ريحتها " اقوى " ..

اهو انتي عتقتي في قلبي و .. روحي ..
و مش راضية .. تعتقيني ..

مش عارف المشكلة في حبك .. و اﻻ المشكلة في قلبي ..
مش يجوز قلبي بيحب زيادة عن اللزوم ؟
مش يمكن في قلوب ربنا ما رزقهاش بنعمة النسيان !
مش يمكن ؟

مش عارف ..

عارف بس اني .. بحبك ..
دلوقتي زي اول يوم شفتك فيه و اكتر ..
و يوم عن يوم حبك جوايا بيكبر ..

و ان وجعك ب .. يوجعني ..
و اني فعﻻ .. فعﻻ ... منايا اشوفك ... مرتاحة ...
اشوفك مش موجوعة ..

اشوفك زي اول مرة شفتك ..

قمر بيضحك للدنيا و ..عليها ..

وحشتيني ..
إنت .. وحشتيني .. جدا ....
*
تصبحين على خير ..
كل ال .. خير ..