منتدى الفرح المسيحى - اكسبى زوجك ب 10خطوات

1_أول ما تقومي م النوم بصوت رقيق وحنون وتقوليلو اصحي يا بيبي اصحي .ياروحي حتي لو كان صوت شخيرة مسمع مركز الشرطة
اللي في الحي
2_تحضريله الحمام وتروشيه بماء الورد مع انارة شمعتين وتشغيل موسيقي هادئة حتي يكون الحمام مريح وهادي
بس اوعية يتحرق بالشموع
3_أمسكي ايديه بمناسبة
ومن غير مناسبة وقبليها هكذا سيشعر بالأطمئنان والراحة
4_لأن تقولي له أحبك بمناسبة ومن غير مناسبة ..الصبح
احبك المغرب احبك ع الاكل احبك .في التليفون احبك.حتي
لو حسيتي انة اتخنق استمري في سينفونية
احبك احبك احبك
_5_وانتي ماشية حاولي تطيري خصلات من شعرك حتي تصل الي
وجهة ..حتي لو كان شعرة مجعد وعايز يتربط بحبل او سلك مواعين
سيشعر وقتها بالحب وانة اجمل رجل في الكون
6_وهو رايح الشغل ودعية بتنهيدة ودمعتين مع الشحتفة ودي مهمة
..كأنك بتتفرجي علي فيلم هندي طبعا هو مش هيمسح الدمعتين
وهيسيبك ويمشي ..مش مهم لازم نكمل الخطة
7_وهو راجع م الشغل قابلية بنفس التنهيدة والشحتفة بس يلاش
الدمعتين.مع التكبير والتهليل وانتي ماسكة ثبت من البخور
ورقيتك من اللي شافوك ونضروك ولا صلوش ع الحبيب النبي.
.مع زغرودة كبيرة تسمع اللي في ميدان طلعت حرب
8_ انزلي علي روكبتينك مع النظر لعينية بحب وحنان ثم قومي بخلع
حذاءة والقيهم من الشباك. قصدي طبطبي عليهم ثم خلع الشراب
لة حتي لو كانت رائحتة مثل رائحة الباكابورت
9_قبلي يداه كل لحظة واشكريه علي المعجزة
والنعمة اللي ربنا انعم عليكي بيها الا وهي زوجك الطيب الحنون المحب
10_بين الحين والآخر فاجئيه بهدية قيمة .حتي لو كان بينسي
عيد ميلادك وعيد زواجك وعيد الحب ..وعيد الأم ..وعيد الثورة