منتدى الفرح المسيحى - يا ترى لقيت اسمك مكتوب..؟؟؟؟

https://upload.chjoy.com/uploads/1465168580471.jpg

لاحظت منتهي الفرح و الساعدة عند الناس انهم يلاقوا اسمائهم علي "كان" الكوكاكولا...
تخيل لو لاقيت اسمك مكتوب علي العربيات المرسيدس او اتنقش علي احجار كريمة .. اكيد حاجة تفرح برضه
لكن بالرغم من انها حاجة تفرح .. إلا ان كل الناس دي عارفة كويس ان الاسم ال علي الكوكاكولا اكيد اكيد ميقصدهاش هي بشخصها ... في آلاف الناس ال اسمها زي اسمك. لكن الفرحة ال ما تتوصفش انك تلاقي اسمك مكتوب علي حاجة مشهورة و كمان انت بس المقصود بيه ...
اسمك مكتوب في السما و مش مجرد تشابه اسماء .. ده انت فعلا.. لانك تنتمي للسما ولأنك محبوب جدا هناك .." بل افرحوا بالحري ان اسماءكم كتبت في السموات" لو ١٠: ٢٠ مش بس كده ... ده ربنا من كتر حبه ليك ناقش اسمك علي أيديه .. "هوذا على كفي نقشتك. اسوارك امامي دائما." اش ٤٩ : ١٦
وزي ما في ناس لسه مش لاقيه أسمائها علي الكوكاكولا لغاية دلوقتي ... و ممكن تطلب من الشركة ان اسمها ينزل لمجرد انها تفرح شوية و تحطها علي البروفيل ... خليك مهتم ان اسمك يكون في سفر الحياة .. لو مش متأكد اطلب و توب ... و لو تعرف حد اسمه مش مكتوب صليله و اطلب عنه علشان ربنا يكتب اسمه في سفر الحياة
و سعتها فعلا تختبر ان حياتك احلي مع .. يسوع ..
"واما انا فقد أتيت لتكون لهم حياة وليكون لهم افضل." يو ١٠: ١٠