منتدى الفرح المسيحى - الحب....وصفاته.

#الحب .. هو أكثر حاجه بتتشوَّه فى حياتنا...
مفهومه مشوَّه...حتى تطبيقه مشوَّه من كُتر الأفكار الغلط اللي اتقالت عن الحب، هو شوية مشاعر جميلة بس؟ وقلبك يدق بسرعة أما تشوف اللي بتحبه؟!! .... ده بس الحب؟ ولا معناه أعمق من كده؟؟ "
ايه هو الحب؟ ايه صفاته الحقيقية زى ما عمله الرب؟ مذكور في الكتاب المقدس في رسالة كورنثوس الأولى اصحاح 13 صفات الحب الحقيقية وحبينا نجسدها فى مواقف عملية من حياتنا اليومية عشان تقدر تفهم انت لما بتقول انك بتحب حبيبك انت تقصد ايه

https://upload.chjoy.com/uploads/1465073837981.jpg

الحب بيصبر...
لو انت بتحب واحدة وهى بتاخد وقت طويل عقبال ما تعرف تفهمك قصدها وهى بتتكلم معاك أصبر عليها ومتستعجلهاش لو لسة بتتعلم الطبيه شجعها واصبر عليها لو لسه مش فهماك ولا عارفه تتعامل معاك ازاى فهمها واصبر عليها ..استنى شويه قبل ما تاخد قرار مصيرى فى علاقتك بيها لان ....
الحب بيصبر....

https://upload.chjoy.com/uploads/1465074803011.jpg

الحب بيخدم...
لو بتحبى واحد أخدم به كونى لطيفة معاه وبسيطة وحنينه كونى رفيقة قصه كفاحه حتى لو مكنش من طبعه أنه يبين او حتى مش قادر يبين كل مشاعره
خليكى علطول الشخص إللى بيريحه إللى بيكون رحيم عليه وعمليا اخدميه متخدميش نفسك
لان الحب بيخدم....

https://upload.chjoy.com/uploads/1465075384461.jpg

الحب لا يغير ...
لو بتحب انسانة اوى وفى يوم لقيتها اترقت فى شغلها وأنها اتقدرت بسبب حاجة عظيمة عملتها او اكتشفت حاجه جديدة فى نفسها افرحلها لان نجاحها هو نجاحك لأنكم واحد لأنك متحد بيها متحسدهاش لكن أفرح وكن فخور بيها وباللى عملته
قدرها واحتفل معاها كمان باركها اوى لان الحب مبيحسدش .لا بيغير من إللى بيحبه...

https://upload.chjoy.com/uploads/1465076255751.jpg

الحب يستشير...
لو بتحب واحدة وكل لما تقولك رايها فى حاجة تقولها لا انتى مش فاهمة انا فاهم أكتر منك انا مريت بده قبلك انا عندى خبرة كبيرة فى الموضوع ده انا رأيى هو الصح دايما رأيى هو اللي لازم يمشى ..انا عقلانى فأنا بفهم الأمور بطريقة أدق منك مش ده الحب لان الحب مبيشوفش رأيه بس هو الصح ولا يستعرض خبراته ومعرفته ...
الحب يستشير...