منتدى الفرح المسيحى - مدام عقبات بنت الأستاذ مشاكل !!

منتدى الفرح المسيحى (https://www.chjoy.com/vb/index.php)

- قسم اعرف ذاتك (https://www.chjoy.com/vb/forumdisplay.php?f=82)

- - مدام عقبات بنت الأستاذ مشاكل !! (https://www.chjoy.com/vb/showthread.php?t=42859)

مدام عقبات بنت الأستاذ مشاكل !!

كان جدى , رجل مهم ومعروف . وكنت وأنا صغيره , بأتعلم منه حاجات كتير .
وكنت بأستمرار أسئله سؤال واحد..... أنت بتشتغل أيه يا جدى ؟؟؟؟؟؟
وكان يرد بصوته الجهورى , أنا رئيس مجلس إدارة شركة (إزالة العقبات من أمام المشاكل ) .
طيب ومين يا جدى ها يحل المشاكل , كان يضحك ويقول : لما تكبرى أبقى حليها .
مرت الأيام والسنه الماضيه كنت بأجلس فى مدرج المحاضرات وكانت المحاضره عن ( كيفية التعامل مع المشاكل وحلها ) .. وسرحت بزكرياتى فى ما قاله جدى زمان . وقررت أنى أحقق ليه أمنيته .
وها أنا أكتب موضوع عن المشاكل وكيفية حلها .........
.................................................. .................................................. .....................................

العدل

كل واحد فى حياته بيمر بيه صعوبات . وممكن تمر الصعوبات دى على ناس قريبه جدا منا . واللى عايزين نتعلمه اليوم أزاى نحل المشكله .
نسبة 99% عدم حل المشاكل هو وقوعنا فى أخطاء هادمه . وبدلا من حل المشكله نحن نزيدها تعقيد .
وكل المطلوب هو العدل فقط .
بمعنى العدل فى سماع الطرف الأخر .أى مشكله تواجهنا , سواء لينا أو لأولادنا أو المحيطين بينا ,
وطلب أننا نحلها .لابد ولابد ولابد مليون مره سماع الطرف الأخر .
ماننساش أنه مفيش حد بيغلط نفسه . وعلى هذا أن كل الكلام المسموع محتاج الى تأكيدات ..
وطبعا لابد أن نفرق فيما بين الأنتظار لسماع الطرف الأخر .وبين أظهار أنك غير مصدق الشخص اللى بيحكى ليك على المشكله .طبعا المفروض التصرف بحكمه .وده طبعا لأن الشخص اللى بيحكى ليك , لو حس أنك مش مصدقه ممكن الموضوع يتحول الى نتائج عكسيه .علشان كده بنقول الحكمه لازمه.
**** وأيضا عدم الخلط فى تصديق موضع منتظرين فيه سماع الطرف الأخر وبين موضوع عادى المفروض أننا نصدقه الى أن يثبت العكس .يعنى لما حد يحكى حاجه نصدقه لغاية ما يظهر العكس لكن لو حد حكى مشكله ننتظر لغاية ما نسمع الطرف الأخر .
أيه رأيكم نبتدى نجرب الكلام ده !!