منتدى الفرح المسيحى - هو انا امتى هعرفك بجد يارب؟؟؟؟

https://upload.chjoy.com/uploads/1463339678621.jpg

+ هو انا امتي هاعرفك بجد يارب؟
+ امتي هاعرفك الإله المحب طول الوقت ومن غير شروط.. امتي هاعرفك يارب الإله اللي بيقبلني حتي وأنا في أحلك لحظات اليأس والخطية واجري على حضنك من غير ما أشك لحظة في امانتك رغم خيانتي وتقصيري..
+ طيب يا رب امتي هاعرفك الإله القوي المحامى عني ؟ وأنام وأنا مطمنة لأني مسئولة من إله قدير وحافظني حافظ إسرائيل.. ومش بس انا لكن حافظ عيلتي وبيتي وكنيستي ومينفعش اخاف ولا أتلفت لأنه ماسكني انا وكل حبايبي في يمينه القوية..
+ وكمان مينفعش أقلق او أشيل الهم لأنه قال لا اهملك ولا أتركك .
+ طيب امتي هاعرفك يارب يسوع عريس نفسي الغالي ؟
امتي هاحبك بجد وأقول من لي في السما و معك لا أريد شيئا علي الأرض .
+ امتي لما أقف أصلي أتوه فيك وانسي الدنيا واللي فيها..
+ امتي لما الدنيا تضيق أقفل علي نفسي واجاهد معاك في صلاتي ومخرجش غير وأنا واخدة كل اللي عاوزاه متعزية وفرحانة.
+ امتي قلبي يتملي بيك وحدك ونورك يشع في لكل اللي حواليا علشان وقتها هاكون بنتك بجد يارب.