منتدى الفرح المسيحى - حكاية الست شمعة

https://upload.chjoy.com/uploads/1463178950741.jpg

واحدة اسمها شمعة كانت متضعة جداً وكانت طول النهار تصلي وهي بتشتغل وطول الليل تصلي ..

شمعة دي كل الناس كانت تشهد لها ..

كان الشيطان يحاربها ويقول لها :
"ياغلبي منك يا شمعة بقى في السن الكبير دة معييكي ومكسرك وتغلبيني وتروحي الكنيسة" ..

كانت تعمل أكل وتاخده تحت باطها علشان توزعه .. يروح في الشارع يشنكل رجليها وتقع وكان يقول لها
"أنا مش عارف أعمل فيكي إيه"
فكانت ترد عليه "بالغيظ فيك .. أنا رايحة للناس .. يا ست يا عدرا ساعديني" وفعلا تيجي الست العدرا وتخلصها وتقوم وتمشي وتكمل مشوارها ..

كان الشيطان ييجي في الصوم الكبير ويجيب لها ديك رومي
ويقول لها "انتي عيانة يا شمعة ولازم تاكلي"
فكانت ترد "يخزيك يا بعيد ... وترشم الصليب فيهرب"

فضل يحاربها لغاية قبل ما تموت .. ظهرت لها العدرا وقالت لها
"أنا طلبت من ربنا يريحك من الحرب دي شوية .. ترتاحي قبل ماتموتي"

الحكاية دي تبين أد إيه الشيطان مهما عمل مايقدرش يحارب الإنسان اللي ماسك في ربنا ومتسلح بالصلاة