منتدى الفرح المسيحى - اذهب أولًا اصطلح مع أخيك

اذهب أولا اصطلح مع أخيك
مت 5: 24

مع الأسف ايه بنفتقدها كتير فى واقع احنا عايشيين فيه
ناس كتير بتزعل من بعض وبيتجاهلوا هذة الأية المباركة
ممكن يكون الخطأ منك أو من الطرف الأخر
لكن الأية واضحة جداً ( اذهب أولًا اصطلح مع أخيك )
هو دة قانون المحبة فى الديانة المسيحية
مش مهم الخطأ من مين لكن فين المحبة لو استمر الطرفين فى خصام
ممكن تلاقى حد زعلان منك وكأنه بيحاول يصاد ليك أى خطأ
وينسى مواقف حلوة كتير انت عملتها معاه
هو دة دور عدو الخير يقولك شايف .... عمل ايه معاك
ويفضل يفكرك بالموقف دة علشان تخسر تعاليم الكتاب المقدس
علشان يخليك دايماً تتناول بدون استحقاق !!

انتبه : مواقف كتير فى حياتنا بتعرضنا اننا ممكن نخسر ابديتنا بسببها
وبيكن لعدو الخير دور مهم جداً فى كدة ( لأنه عاوز كدة فعلاً )
اذهب أولًا اصطلح مع أخيك
لو انت فعلاً عاوز تتحرر من قيود ابليس ( أيوة ابليس )
إفتكر ان الكتاب المقدس قال ( لا تغرب الشمس على غيظكم )
اوعى تزعل من حد لمجرد موقف ممكن تكون انت فهمت غلط ومش عاوز تعاتب
خايف تعاتب ( يبقى فعلاً ابليس قدر يسيطر عليك )
متحكيش لحد ( اذهب وعاتب بمحبة .. لو انت عندك محبة بجد )
لما تكون زعلان من حد اياً كان الموقف متأجلش الموضوع واتكلم معاة بصراحة
اتحرر من قيود عدو الخير وكن ايجابى فى حياتك ونفذ تعاليم الكتاب المقدس
افتكر دايماً المواقف الكويسة اللى عملها معاك الشخص اللى انت زعلان منه
ولو فضلت تفتكر الحاجات الكويسة يبقى أكيد الروح القدس هايشتغل جواك
وهاتعرف ان مافيش حاجة تستاهل انى اخسر ابديتى بسببها

افتكر دايماً ان المسيح علشانك مات على الصليب
هو مفكرش لحظة فى اخطائك لكن كان عاوز يثبت انه بيحبك
وأثبت ده أمام العالم كله فى صمت تام ....
خد المسيح قدوة فى حياتك واوعى تكون زعلان من حد
انتصر على عدو الخير واذهب أولًا اصطلح مع أخيك
اوعى حد يكون زعلان منك او تزعل من حد :)