منتدى الفرح المسيحى - قصة العبد الأسود

قضة العبد الأسود الجربان

https://2.bp.blogspot.com/-AbQ-NBzH8...08365988_n.jpg

كان ابونا بيفتقد كل البيوت وراح يفتقد رجل غني
وحصل انه شاف عنده عبد لونه اسمر اسمه عجبان
عمال يشتغل بكل طاقته وكانه بيموت نفسه في الشغل

فقاله ابونا يا بني يا عجبان اللي ما يخلصش النهاردة يخلص بكرة يا ولدي لأحسن يحصلك حاجه

قاله لا يا ابونا القمص انا لازم افرح قلب سيدي اصلك ما تعرفش عمل معايا ايه
يا ابونا انا كنت اصلي عبد واحد تاني وكان بيقولي يا عبد يا اسود
وكان بيضربني ويحرجني وجالي مرض دمامل في جسمي فقالي هأبيعك يا عبد يا اسود واخلص من قرفك وراح السوق يبعني ووقفت ويا صفوف العبيد
وعدي عليا سيدي اللي اشتراني طلب مني أتقدم خطوة
فقلت يا سوادك يا عجبان تلاقية قالك اتقدم خطوة علشان يخرجك من الصف ويشتري الصف كله
لكن اللي حصل انه طلب يشتريني انا بوحشتي ومرضي
سيدي الاولاني قاله ده وحش قاله عجبني
قال ده عندة دمامل وهيبوظلك فرشة السرير اللي هينام عليها قاله برده عجبني
قاله مرضه معدي وهيعديك قاله بردة عجبني
قاله ده ريحته وحشه جدا ويقرف الكلب قاله برده عجبني
قاله طب انا هبيعه ب دينار احمر قاله وانا هشتريه
مع ان تمن العبد مش غالي كده ودفع فيا التمن
وقالي كلمه أول مره اسمعها
قالي يلا يا بني
سيدي الاولاني كان بيقولي يا كلب يا جربان
لكن سيدي التاني قالي يا ابني
عرفت لييييه لازم افرح قلب سيدي

قالة ابونا القمص كفايه يا عجبان يا ابني قلبت علي المواجع
انت سيدك اشتراك بدينار احمر ومقدر الجميل
وانا سيدي اشتراني بالدم الاحمر ومش مقدر الجميل