منتدى الفرح المسيحى - خواطر خادم .6

جاي أصرخ مع كاتب المزمور ..زي ما الأيل بيشتاق لجدول المياة

أنا كمان نفسي مشتاقة إليك يا الله

عطشان لمياه روحك

عايز أعيش بالروح وكلامك ينور جوايا

وكتابك دايما قدامي مفتوح

هو في أحلي من إني أسمع صوتك؟

ولا في أروع من حياة تتعاش في وجودك؟

ولأني عارف اني مش حأقدر أفيض علي اللي حواليا غير لما روحك يفيض في الأول فيا

جاي أطلب بكل ثقة و إيمان

ما انت اللي قلت تعالي ليا يا عطشان

وأنا واثق إنك سامع صلاتي و منتظر حضورك يملا حياتي