منتدى الفرح المسيحى - الحب المفقود....

https://upload.chjoy.com/uploads/1455643450841.jpg

كفايا وعظ عن الحب...

دور جوه قلوب الناس تلاقى لو حد حاسس بحب من حد هتلاقية مفتقد حب من حد تانى حد حاسس بحب الأم هتلاقيه مفتقد حب الأب والعكس حد حاسس بحب زوجته لكن تلاقيه مفتقد حب الصديق كل واحد فينا حاسس بالحب وكمان ناقصة حب لو سألت الناس هتلاقية فيه حب ناقص فى حياتهم ومش بعيد كمان جوه بيت ربنا تلاقيه فاقد الحب
اوعى تبقى شاطر وأول ما تكلم حد عن الحب المفقود تروح قايل للناس المسيح حبك محبة أبدية احبك
اوعى تكلم الناس عن حب ربنا وهما مجروحين من حب إللى حواليهم ساعتها عمرهم ما هيسمعوك
اسمعهم زى ما سمع المسيح السامرية وبعدين حبته حب كبير
افهمهم زى ما المسيح فهم المجروحين والتعبانين وبعدين حبوه ومسكوا فيه اوعى تلاقى حد فاقد الحب (أخ. صديق.أب.ام .كنيسة) توعظه عن حب الله لا خليك مسيح خده فى حضنك اسمعه...افهمه...طيب جرحه...من غير وعظ وتأملات وصورة المسيح تعملها له تاج وتقوله هو ده الحب الحقيقى
لا خليك انت الصورة إللى يشوفها ويحبها وساعتها لما يحبك هايعرف المسيح إللى قدم لينا الحب للمنتهى ...هيعرف المسيح إللى فيه كل حب افتقدناه فى حياتنا
المسيح مكنش بيوعظ عن الحب لكن كان بيوزع حب للناس من غير وعظ وفى الاخر عمل عمل كبير بين حبه الحقيقى
مش بالكلام لكن بالفعل على الصليب متوعظش مجروح متالم لكن حبه زى ما المسيح حبك
كتير بنوعظ عن حب المسيح وبنقول للناس حب المسيح بس إللى باقى لكن بيفضلوا مجروحين ..متالمين عارفين ليه ؟علشان بنوعظهم ..بس الرب يسوع مع السامرية عارف مشاعرها مجروحة مقلهاش انا المسيح غير لما فضفضت وارتاحت وقالت إللى جواها
سيبوا الناس تطلع إلمها وجرحها من غير وعظ وساعتها لما تسمعه هيحبك ويحب المسيح إللى فيك
الحب مش وعظ الحب ضحكة مع مجروحين مع خطاه متالمين حضن لكل مفتقد الحب
حضن مليان بنعمة المسيح وحب المسيح
للاسف ياما ناس فاكرين جوانا المسيح واترموا فى احضانا ولقوا حضننا سم وحضن مغشوش
واستغلينا جرحهم بجرح تانى
اوعى تبقى كده اوعى تستغل جرح الناس واحتياجهم للحب خليك حضن المسيح مش حضن جريح(لا نحب باللسان بل بالعمل والحق)