|
انا كراكيب ومش لاقى نفسى
عارفين الحاجات دي اللي ملهاش اي لزمة او معني جوا بيوتنا ؟ بنقول عليها كراكيب .. شوية كراكيب مكركبة الدنيا و واخدة مكان ع الفاضي والمشكلة بقي اننا ولا محتاجينها و بنستخدمها ولا عايزين نرميها ونتخلص منها .. الكراكيب دي موجودة جوانا احنا كمان .. كراكيب جوا الأفكار و كراكيب جوا النفسية و كراكيب جوا القلب .. عارفين احنا محتاجين لأية ؟؟؟ فاكرين الراجل بتاع زمان اللي كان بيلف ع البيوت و يفضل ينادي .. بيكيا .. حاجات قديمة .. قديمة للبيع .. الراجل ده كان بياخد منك كل الكراكيب وكمان يديك قدامها فلوس .. الراجل ده كان متبني شعار : "تخلص من كراكيبك القديمة وخد فلوس تشتري بيها حاجات عليها القيمة :) ربنا بيعدي علي كل واحد فينا زي الراجل ده ويقولك : اديني كراكيبك وانا اديك بدالها حاجات حلوة لها قيمة .. اديني خطاياك .. اوجاعك .. تقصيراتك .. مشاكلك .. همومك .. احزانك .. خرّج كل الكراكيب من فكرك وقلبك و نفسيتك وانا هاخد كل ده و اديك بدالها غفران وأفراح و حلول للمشاكل و حاجات حلوة كتيرة .. المهم انت بس تاخد قرارك و تطلّع من جواك كل الكراكيب و تتخلي عنها بإرادتك .. لان ربنا عمره ما هيدخل جواك بالعافية و ياخد حاجة انت مش عايز تتنازل عنها .. حملة للتخلص من كل الكراكيب ;) بقلم ماريان عادل |
رد: انا كراكيب ومش لاقى نفسى
مشاركة جميلة جدا ربنا يبارك حياتك |
رد: انا كراكيب ومش لاقى نفسى
ميرسى على مشاركتك الحلوة ويارب نتخلص من كل الكراكيب اللى جوانا ونحط مكانها صوت ربنا
|
| الساعة الآن 02:43 AM |
Powered by vBulletin® Copyright ©2000 - 2025