منتدى الفرح المسيحى - من غير كسوف****

:confused:(وكان ابراهيم وسارة شيخين متقدمين فى الايام وقد انقطع ان يكون لساره عاده كالنساء)(تك 18؛11)
هو ليه الكتاب المقدس قال ان ساره لم يكن لها عاده كالنساء؟؟؟؟
علشان يعنى نعرف انها كبيرة!!!
كان ممكن يقول ..ان ساره كبيرة فى السن مثلا..
لكن ركز على التفصيله ديه!!!
عاوز تقول حاجة..
بالظبط كل تفصيله وراها حدوته
طيب قول ....زمان كانوا بيعرفوا الحمل ازاى عن طريق انقطاع عاده النساء ده المؤشرالاول للحمل
طيب ساره مكنتش عندها عاده النساء ....عرفت الحمل ازاى!!!
احتمال كبير تكون معرفتش الحمل فى اول شهر ويمكن تانى شهر لان مفيش خبره ومفيش عاده النساء
بالظبط كده .وممكن كمان وهى حامل فى الشهر الاول كانت بتسأل نفسها معقول ربنا هيدينى طفل
معقول هكون ام
وممكن كمان كانت بتصلى وتطلب من ربنا انه يديها طفل وهى اصلا حامل ياااااه
ده معنى جميل جدا ممكن احنا كمان نكون كده ساعات
بنطلب من ربنا انه يستجيب وهو فى الواقع استجاب وحدد الميعاد او ممكن نكون فى حالة قلق وخوف ونقول ربنا هيدينا فعلا هيستجيب فعلااااا وهو اصلا استجاب وحدد التاريخ والتفاصيل زى ساره الطفل كان جوا ها وهى مش عارفة
بكره هنعرف ان ربنا كان مستجيب ومحدد الميعاد واحنا عايشين فى قلق