منتدى الفرح المسيحى - اللى أختشوا ماتو وحكايات الف ليلة

منتدى الفرح المسيحى (https://www.chjoy.com/vb/index.php)

- فضفضة شبابية بلا حدود (https://www.chjoy.com/vb/forumdisplay.php?f=92)

- - اللى أختشوا ماتو وحكايات الف ليلة (https://www.chjoy.com/vb/showthread.php?t=385072)

اللى أختشوا ماتو وحكايات الف ليلة

........ جيد أن يكون لدينا وزارة للتعليم .
أهو أسم وخلاص . لانه مينفعش تكون فيه وزارات كتير من غير ما يكون فيه وزارة للتعليم . ده شىء طبيعى خالص .
وبعدين الصيت ولا الغنى , يعنى أهو أسم وخلاص هو يعنى الأسماء بفلوس ؟؟ . وبلاش ندخل فى حقائق وارقام لان كل شىء معروف . والأرقام مٌثبته .
طيب نتكلم عن وزارة التربية _________ أهو أسم أتحشر قبل التعليم . زى البقدونس كده فى الاكل .
مع العلم أن التربية هى أحد العلوم الأنسانية المهمة , والتى لابد أن يقوم بها خبراء متخصصون فى علم النفس .

طيب بلاش الكلام الكبير ده وخلينا نتكلم من غير كلام .
* فى علم النفس لما الطالب يكون متفوق فى سنوات الدراسة , ويجى فى سنة من السنين يدخل الامتحانات ويسقط ممكن جدا , بس بشرط وهو ان الطالب تكون انتابته حالة نفسية معقدة , تٌدخل الطالب فى حالة من عدم الاتزان وعدم تقدير الموقف ( وهو ما سوف يترتب عليه عدم الاجابة _ نقول ان الطالب بالبلدى كده يدخل فى مرحلة برود تبدأ بعدم الاجابة على أسئلة الأمتحانات وتستمر لفترة طويلة ولا تتأثر هذه الفترة بظهور النتيجة _ نظراّ لحالة اللامبالاه التى تسيطر على الطالب .
والأهم من كده أن الطالب بعد عدم أجابته للأسئلة فى اليوم الأول _ يرفض تلقائياّ الذهاب إلى لتكملة الأمتحانات .وبعدها لايستطيع الطالب بمفرده التخلص من هذه الحالة الفٌجائية والتى أنتابته إلا بمعرفة طبيب مختص .
يعنى بالبلدى كده زى ما يكون واحد أصيب باليأس وبدأت فكرة الأنتحار تدور فى ذهنه .
طيب نرجع للطالب اللى ماجاوبش خالص واخذ صفر , أزاى يا خبراء التربية (( من غير تعليم )) أزاى الطالب يصحى فى لحظة ويبدأ فى الأنهيار النفسى ويدخل المستشفى وتحاليل ومحاليل وخلافة . ده فى علم النفس ليه معنى واحد وهو أن الطالب مظلوم وتم تبديل ورقة أجابته يا جناب سيادة الواو .
تحياتى لك سيادة الواو ورأيى الشخصى أن شهاداتك العلمية من جامعة بوس الواوا .
والموضوع وما فيه هو أن التصحيح أنقلب إلى تظبيط . وده مش عيب أبداّ

العيب أننا مش قادرين نسمى الأشياء بمسمياتها الطبيعية . ونسيب كلمة التعليم ونغمض عنينا عن التربية ونسميها وزارة التظبيط .

وسلم لى على الطالب المحظوظ اللى ها يدخل كلية الطب وكلها كام سنة ويتخرج .
يارب يارب يارب بعد مايتخرج تقع تحت أيده ويعالجك .