منتدى الفرح المسيحى - مافيش يامريم

كلمة الحق لازم تتقال وميتظلمش فيكى الضعيف

ده الوعد اللى وعدوه الكبار والغلبان ضمن الرغيف

فين الحق وفين الوعود لسه فيكى يادنيا ظالمين

بنت غلبانه أبوها مات مرحموهاش البنى أدمين

طالبه حقها ومن سكات ومين مسؤل يجيبه مين

سهر ليالى وتعب جسيم وكان حصادها لناس تانين

من التفوق أتميزت سنين وفى الاخر نصيبها الأصفار

الحكايه كانت لغز وفى الاخر متدبر لصالح ناس كبار

عايزين يدارو حقها علشان صوتها ليهم اكبر دمار

مافيش يامريم غير الله هو الناصف والعادل الكبير

هيجبلك حقك ده هو أبوكى وعلى الكل قادر وقدير