|
زواج من أجنبيه
أنا بصراحه سجلت مخصوص عشان عندي سؤال شخصي حابب تعرف رأيكوا فيه.
أنا عايش في أوروبا بقالي 6 سنين .. كانت اعرف و احده كنا زمايل في الشغل بقالنا اكتر من 4 سنين دلوقتي.. في اخر سنه حسينا بأنجذاب و أنا كنت عايز أستقر المهم مع الوقت حبينا بعض .. بس هي صارحتني لانها عرفا اني دقاه قديما و قلتلي انها مش عذراء .. هي مكانش ليها في نظام اوروبا و بويفريند و كده بس هي ضعفت و غلطت مره و قلتلي انها تابت و أعترفت و قلتلي انها ندمت جامد علي الي حصل و يتاخد مضادات أكتءاب بقلها فتره... أنا مصدق توبتها لاني عارف انها انسانه كويسه و ملهاش في الكلام بتاع بره رغم انها طلعت و اتربت في البيئه ديه و كان سهل تبقي زي أي حد.. هي كمان معندهاش مانع و متفتحه انها تحول أرثوذوكس و أنا كمان قلتلها اني أحتمال لو خلفت أرجع مصر لاني مش حابب أربي اولادي بره و هي قلتلي انها مقتنعاه و ممكن نتكلم في الموضوع ده في وقته... المشكله اني بحبها و مليش مصلحه في كده أنا معايه اقاما و دخلي كويس حتي بالنسبه لاوروبا مش مصر .. بس موضوع العذريه ده بصراحه تعبني نفسي حد يقلي ايه الصح .. انا عارف ان الانسان لما يتوب كأن خطيته لم تكن و كلنا بنغلط و الغلط الاكبر الاستمرار في الخطيه .. بس مشكلتي ممكن تكون أكثر منها ان شرقيتي الي متربي عليها... يا ريت اسمع رأي ولاد و بنات في الموقف ده ... حاجه كده زي ماذا تفعل لو كنت مكاني |
رد: زواج من أجنبيه
اتكلم مع اب اعترافها واطلب من ربنا يدبر ويتدخل فى الموضوع دة ويرشدك فيه |
رد: زواج من أجنبيه
سلام ونعمه انا هأقولك رأي الشخصى وأكيد الأراء هنا هاتختلف والقرار ليك فى الأخر فى البداية لازم تصلى من اجل الموضوع وتستشير أب اعترافك لكن .. تأكد انك لو بتحبها وتزوجتها ، عمرك ما هاتنسى موضوع الغلطة الأولى فى حياتها ولو سألت والدك أو والدتك أكيد هايرفضوا ، لأن احنا متربيين على مبدأ ولا يمكن نتنازل عنه انا عارف ان الموضوع صعب ليك لأنك بتحبها لكن صدقنى الموضوع دة هايكون عقبة فى حياتك من اول اختلاف يحصل بينكم ربنا يرشدك للصالح فى حياتك |
رد: زواج من أجنبيه
سلام المسيح
هو أنا مش عارف المشكله في التربيه الي أحنا اتربيناها كشرقين و لا فين لان ربنا بيسامح كل انسان يتوب انا مش عارف احنا ليه عندنا الحيطه الي جوانا .. انا متأكد ان المسيحيه مفيهاش اي مانع بس انا مش عارف انا اذا كان المسيح بيسامح احنا ليه مبنعرفش في الموضوع ده .. أرجع و اقول انها شرقيتنا اولا و اخيرا للاسف.. احنا دينا مش كده |
رد: زواج من أجنبيه
احنا مين علشان مش نسامح المهم الانسانه اللى هاتعيش معاها تبقى بتحبها وهى اعترفت بغلطها وتابت عنه واعترفت فى الكنيسة كمان وماتنساش انها فى بلد اجنبية واكيد اغراءات كتير حواليها لانها بلد متحررة جدا لكن مادام اعترفتلك بحاجة زى كدة يبقى هى بتحبك وندمت عن الخطية خلاص صلى لربنا يرشدك انك ازاى تتعامل على حسب ضميرك انت مش على حسب عاداتنا الشرقية |
رد: زواج من أجنبيه
دليل كلامك انك مقتنع ان الموضوع صعب أة ربنا بيسامح ، واحنا كمان بنسامح لكن هذا لا نجعله يتعارض مع عادتنا وتقاليدنا فى الأخر دة قرارك لكن الجواز مصير حياة احنا اتعدونا دايماً لما نيجى تجوز ندور على الأصل والتربية والأخلاق وبنربى أولادنا على كدة ..... |
رد: زواج من أجنبيه
ربنا بيسامح وغفر للمرآة اللي مسكوها بذات الفعل وبعد كدا بشرت بالسيد المسيح هقول على حاجة طول ما الحب موجود مش هتفتكر الغلطة دي وعلى فكرة كان سهل قوي انها مش تقولك على الموضوع دا وتضحك عليك ودا بيحصل كتير جدا ومكنتش هتعرف حاجة بس علشان هي صادقة فى توبتها هي مريضيتش تضحك عليك وقالت لك على الغلطة ارجوك صلي وسامحها وابداء معها حياة جديدة واحزر في اي موقف يقابلك انك تفكر في الموضوع دا ولو مش هتقدر ابعد عنها بلاش تجرحها اطلب مشورة اب اعترافك واعترافها ربنا معاك |
رد: زواج من أجنبيه
أنا بصراحه سئالت كتير
عشان اعرف رأي الناس ايه في حاجه زي ديبه و اللي لحظته ان معظم البنات بيقولو ان ربنا بيغفر و احنا كمان لازم نغفر لكن معظم الشباب رايهم العكس و التمسك بعاداتنا الشرقيه حتي و ان كانت مسيحيتنا مفيهاش الكلام ده. انا جوايا صراع بين حبي ليها و معرفتي انها انسانه ملتزمه عموما و بين شرقيتي كل الي انا اعرفه اني مينفعش لو ارتبط بيها اقعد اانب فيها و اعذبها علي غلطه اعترفت بيها بس لسه مش عارف هقدر انسي و اسامح ولا لا.. جايز مع الوقت او طولت الخطوبه مثلا اتاكد من مشاعري .. صلولي انا في موقف لا احسد عليه بين حبي ليها و شرقيتي و ياريت اسمع رأي ناس تاني يعني انت لو شاب هتتصرف أزاي شكرااا |
رد: زواج من أجنبيه
اولا حاجه صلى ربنا
قوله الموضوع فى ايدك مع انى بحبها بس انت عارف راحتى فين دخل ربنا اول حاجه وكمان لازم نتعلم من السيد المسيح هو بنفسه سامح احنا نبقى مين حاول تقعد مع اب اعترافها اكيد هو يعرف عنها حاجات كتير وانت كمان اقعد مع اب اعترافك وممكن تخلى فتره خطوبه طويله شويه وراقب تصرفاتها وكده وده يوضحلك كتير عن شخصيتها ربنا معاك ويساعدك |
رد: زواج من أجنبيه
بس ياريت طلما هيا صرحتك بحاجه زى كده
لازم تعرف اكبر حرام لو اتجوزتو وحصلت مشكله وفكرتها بالى حصل ده اللى هينهى العلاقه بنكم وكده هتكسره هيا فخلى بالك كويس |
| الساعة الآن 04:46 PM |
Powered by vBulletin® Copyright ©2000 - 2025