ربى هنام دلوقتى وبكره هبتدى معاك
ربى انا من بكرة هبتدى معاك بس هنام دلوقت و من بكرة بجد وعد

و جت العصافير الصبح و صحيت ربى انا هروح اغسل وشى و افطر و جايلك علشان ابتدى معك
و بعد ما فطرت جيت ابتدى معاة لقيت التليفون بيرن قولتلة طيب خمسة بس ارد علية و جاية اوعى تمشى ياربى انا جاي علشان ابتدى معاك و روحت و رديت لقيت صاحبى من زمان مش بيكلمنى قاعدت اتكلم و اتكلم و نسيت انى اديت لحد معاد المهم خلص التليفون و روحت للصورة بتاعت ربى و رايح ابتدى معاة يووووووووواة ثوانى الباب بيخبط هشوف مين و جاي لقيت جارنا عايز مساعدة قولت اروح اساعده استننانى يارب و بعد حاولى ساعة جيت
و قولت بقا اروح ابتدى مع ربى و لسة رايح قولت يوااااااااااة انا مش حلقت ذقني بعدين يقولو عليا اية سايب ذقنة كدة لية قولت طيب خلاص خمسة كدة و هاجى و بعد ما حلقت ذقني قولت اروح بقا افتكرت انى عندى معاد للخدمة فى الكنيسة و انا رايح لقيت الموبيل بيرن الو مين اوووووووو ازيكك عامل اية واحشنى اية مالك مضايق لية طيب خلاص خلاص هاشوفك بعد الخدمة بس مش عايزك تضايق نفسك خالص بجد و قابلته و اتكلمت معه و خليتة مش زعلان علشان مش كلمنى بقاله فترة و بعد ما اليوم خلص وراوحت علي البيت لسة رايح ابص على الصورة علشان اقولة معلش يارب انا تعبت انهاردة لقيت الدموع نازلة من عينة بحرقة جامدة اوى
قاعد بقا مع نفسى و قولت انا لية مش زعلت انى اديت للربى ميعاد ومش جيت فية دا انا روحت لصاحبى جرى
مع انة لو الموقف دة حصل فيا هبقا قاعد مضايق و لو حد اهملنى لمجرد طلبت طلب منه هبقا قاعد زعلان طيب لية انا قبلت الوضع دة مع ربى حبيبى الى فى ضيقاتى بيبقي اول واحد القية جمبى لية
اكيد الوضع بتاعنا محتاج تغير كتير
متخليش العالم هو اللى ساكن فيك خليك انت اللى ساكن فى العالم
سيب قلبك يسكنه يسوع مش ا لعالم
فى الاخر انا بجد بجد يارب اسف اسف لانى كنت بدق المسمار وا جلدك مع الجندى الواقف و انا كنت لما ابص على المشهد دة اقول ازاى الانسان دة قدر يعمل كدة و فاجأة الاقى نفسى انا بعمل اكتر منة

اسف ياربي
منقول

المشاركة الأصلية كتبت بواسطة emy gogo (المشاركة 865591) جميل جدا يا كيلارا ربنا يبارك حياتك

المشاركة الأصلية كتبت بواسطة Mary Naeem (المشاركة 865647) مشاركة جميلة جدا ربنا يبارك حياتك

المشاركة الأصلية كتبت بواسطة اوفا (المشاركة 865656) ربنا يباركك

المشاركة الأصلية كتبت بواسطة ناصر أمير (المشاركة 865922) سيب قلبك يسكنه يسوع مش العالم موضوع مميز ورائع جداً يا كيلارا ربنا يفرح قلبك

موضوعك قيّم جدا و له مغزى عميق

ليكن الرب يسوع معك على الدوام ومع الجميع

http://uploads.sedty.com/imagehostin...1351902470.gif