منتدى الفرح المسيحى - كــــــــــــفـــــــــــايـــــــــــه

كــــــــــــفـــــــــــايـــــــــــه

قلبى خلاص تعب منك ياخطيه
سبينى اعيش لالهى ايامى اللى جايه
مررتى عشتى وبعدتي بيا عن فديا
سبينى وحدى مفضلش حاجه تنفع فيا
خليتى كل حاجه حلوه فيا تبقى زكرى
خليتى قلبى ياخف من اللى جاى بكره
ملكتى عقلى وشغلتى بالى بكل فكره
تبعدنى عن طريق خلاصى والابديه
نسيت معاكى حبى لالهى وتضحياته
نسيت عزابه وصوت صراخه يوم مماته
نسيت فى قربك اللى قدم ليا حياته
يارتنى موت دنا مستهلش صوت اهاته
طب ايه فاضلى فعمرى اقدر ابكى عليه
دنا دمعى جف فى عيونى وهبكى بئييه
وقلبى صار زى الحجر مالقسوه اللى فيه
وازاى لربى تقدر تيجى عينى فى عنيه
ياخطيه روحى بعيد ونادى على حد يقدرك
انا حزنى مالى قلبى وكل قلبى بيكرهك
ولا عزابى وانكسارى بئى شيئ بيفرحك
انسنى وامشى وعرفى انى النهارده بودعك
مابقتش حمل الالم وعزاب الضمير
انا اللى عمرى فى شرى ماصنعت خير
ويا الخطيه اغتنيت ونسيت كل فقير
فكرت نفسى ملك وانا خاطى حقير
مش قادر اصبر ولا قادر اصرخ اعمل ايه
همى بيكبر بين ضلوعى ومش قادر عليه
مش قادر ابعد ولاقادر اقرب جرالى ايه
حولت اهرب وفكرى قالى تهرب ليه
مشلول وعاجزو خطوتى وقفت مكانى
اركع وصلى ولانتهى خلاص زمانى
ليه كل منده عليك ياربى يتخرص لسانى
انا نفسى اجيلك وابكى وتسامحنى تانى
يارب اسمح ليا اصرخ انا ابنك الخاطى
يارب المس ليا قلبى ومتسبوش لحظه فاضى
يارب اسمع لضال انانى ظالم وجانى
ظلمت نفسى ونفسى ارجع للى بحبه نجانى

باسم خلف