منتدى الفرح المسيحى - الناس زي الأماكن

الناس زي الأماكن
كل مكان ليه نكهة خاصه بيه ... وليه مزاق مختلف ... ومشاعر مختلفه ... تشتاق له في بعض الأوقات .. وتشعر نحوه بحنين داخلك ... الناس كمان زي الأماكن ...
في ناس زي بيتك .. تحس معاهم بالإرتياح والأمان ..
وفي ناس زي الكنيسة .. تحس معاهم بالطمأنينة .. الأبوة الحانية والمحبة الحكيمة .. مهما فعلت فأنت غالي جدا في قلوبهم .. مهما كانت حالتك أو تصرفاتك فأنت محبوب
..
وفي ناس زي الأديرة الأثرية .. تحسها شبعانة صلاة .. زي حوائط الدير القديمة تشعر كأنها مشبعة صلوات و بخور .. عطر الإيمان ورائحة الأيام القديمة .. وعبق التاريخ
..
وفي ناس زي البرية .. هدوء النفس .. وبساطة الحياة ورحابة الصدر ..
وفي ناس زي النيل .. تحس معاها بالعمق .. خبرة الحياة وغموض الأيام ..
وفي ناس زي البحر .. والبحور أشكال وأنواع .. في بحر هادي تشعر أمامه بالراحة و السلام .. تستنشق منه نسيم الحرية .. وبحور غاضبة ... وأشياء اخري سلبية بلاش
نتكلم عنها وخلينافي اﻻيجابيات

باسم خلف