منتدى الفرح المسيحى - ( ____جواب الى ربنا___

( ____جواب الى ربنا____ )
ربنا العزيز ...
فى حاجات لسة مجاتش
انا مكلمك من فترة عليها
لحد دلوقتى و لسة موصلتش
و انا من مدة مستنيها
اتاخرت جدا عليا وانتظارى طال
و دى اول مرة يارب تعملها
تسيبنى لوحدى فيها محتار ....!
او جايز اكون
متوتر و قلقان
او مخنوق و مضايق ....
تحديدا انا بجد مش عارف مالى
جوايا 100 احساس تاعبنى
بيموت فيا حاجات انت خالقها
وانا مستحيل فـ يوم انى اسيبها
تضيع اكيد منى ...!
انا خايف جدا عليها
علشان دى منك وعليا غالية
ووصيتك انى احافظلك جدا عليها
لحد فـ يوم مقبلك
و انا طالبك ...
طالبك و محتاجلك جدا دلوقتى معايا
تنزع الاحباط من جوايا
لانى بقالى فترة بية انا حاسس
و منة بجد خايف ... ليكسرنى ...!
محتاجلك تطمنى
بحق كل دمعة جوة عنيا ماسكها
و منزلتش ....
علشان عندى رجاء فيك
بحق كل صرخة فـ قلبى كاتمها
ومطلعتش ....
علشان واثق جدا فيك ... فرحنى
وخلى فرحتى ليا تدوم
و داوى جرح فـ قلب مظلوم
و اعدل المايل عندى ..وكمل الناقص
وانا معاك هفضل فـ تواصل
سايبلك جواب فـ السما من قلبى كاتبة
واحساسى وايمانى بيك انت عارفة
ع قدة جازينى
و سامحنى ع دموعى الـ فجاءة نزلت
من قلبى مش من عينى
لكنى حقيقى انا بسببها دلوقت ارتحت
عشان فضفضت معاك واتكلمت
وهفضل مستنى الحاجات الـ مجاتش
الـ كلمتك من فترة عليها
هى لسة لحد دلوقتى موصلتش
و انا يارب هفضل صابر و مستنيها ..!

لـ باسم خلف