منتدى الفرح المسيحى - جوة الطاحونة

جوة الطاحونة وجدت معونة

ياما صليت يا بابا كيرلس باكر وعشية

+ على الأرض تنام فى هدوء وسلام

حولت الطاحونة يا بابانا سماء روحانية

+ الأكل قراقيش أو قول حتى مفيش

مادام قلبك عمران يا بابانا العيشة تبقى هنية

+ تخبز القربان تصلى فى كل آوان

وتنسخ فى المكتوب يا بابانا على اللمبة الساهرية

+ نصف الليل تسبيح الملايكة معاك تصيح

بعد القداس يا بابانا يخرج فى الصبحية

+ وحوش البرية تركت كل آذية

كانت معاك يا بابانا فى محبة حقيقية

+ تصلى مع السواح والرب معاك إرتاح

ومارمينا بحصانه يا بابانا بيلف البرية

+ يا ساكن الجبال يا قاهر الأهوال

فقت كل مثال يا بابانا شرفت البشرية

+ أذكرنا على الدوام وأطلب السلام

من الرب الحنان يا بابانا للبيعة الأرثوذكسية